拉麵Jo (Closed)

今晚經過元朗Yoho Mall 新開左拉麵店，見佢唔係太多人排隊就試一試佢，可能鋪頭比較細，卒之我地3個人都要排左45分鐘先入得，今次試沾面先，每人一碗沾麵，另外再加小食雞軟骨、鐵板豆腐、蛋。我覺得沾面份量都好適中，唔係特別大食既應該都夠飽，至於味道都算可以啦，但老公就話啲麵梘水味比較重，而鐵板豆腐呢，我就覺得麻麻地，冇乜味道，加上用鐵板上關係，豆腐底部有小小燶；而雞軟骨就比較多油。總括黎講，想食沾麵既都可以一試既，但我地就應該冇下次喇，因為真係冇乜特別吸引。