Video
Read full review
2023-10-06
530 views
喺呢間鋪既一流用餐體驗令我寫人生第二次食評。原先想買位於附近既餐廳外賣但原來已結業。在苦於唔知食咩好四圍行之際發現左呢間路邊日式門面小店。有趣既店名加上吸引既餐牌設計令我決定一試。難得呢度提供既菜式唔係千篇一律既日式無聊定食，而係如Muji cafe般既細portion有多款選擇既N款冷菜+ N款熱盤+湯+飯+飲品組成既定食。如果同Muji cafe比，呢度每款菜式，湯品，飲品更加精緻同用心。如果未食過Muji cafe，咁可以直接黎試呢間，無比較就無傷害。另外仲有另一餐牌係啲幾特別既甜品但今次就無試。今次叫左既配搭係：- 秘製Masala雞（熱）- 鹿兒島吉列黑豚肉餅（熱）- 左口魚秋葵伴柚子醋櫻花蝦（冷）- 沙律菜配百香果柚子檸檬汁（冷）- 白飯- 湯 （有點似華御結果隻好飲既牛乳xx濃湯）- 凍無糖白桃烏龍茶由於細個無好好讀書，無幾多詞彙去形容美食，因此我只能形容為好食同滿足😋可能因為佢開係人流唔太多既內街，加上原來此店剛開業不久，我大約1:30去到而佢都仲有一半枱未坐人，而入面既客人亦十分安靜。所以可以係一個安靜既環境去享受食物。好難得係平日午餐時間可以有一刻平靜。有一種意境好
原先想買位於附近既餐廳外賣但原來已結業。在苦於唔知食咩好四圍行之際發現左呢間路邊日式門面小店。有趣既店名加上吸引既餐牌設計令我決定一試。
難得呢度提供既菜式唔係千篇一律既日式無聊定食，而係如Muji cafe般既細portion有多款選擇既N款冷菜+ N款熱盤+湯+飯+飲品組成既定食。
如果同Muji cafe比，呢度每款菜式，湯品，飲品更加精緻同用心。如果未食過Muji cafe，咁可以直接黎試呢間，無比較就無傷害。
另外仲有另一餐牌係啲幾特別既甜品但今次就無試。
今次叫左既配搭係：
- 秘製Masala雞（熱）
- 鹿兒島吉列黑豚肉餅（熱）
- 左口魚秋葵伴柚子醋櫻花蝦（冷）
- 沙律菜配百香果柚子檸檬汁（冷）
- 白飯
- 湯 （有點似華御結果隻好飲既牛乳xx濃湯）
- 凍無糖白桃烏龍茶
70 views
1 likes
0 comments
由於細個無好好讀書，無幾多詞彙去形容美食，因此我只能形容為好食同滿足😋
可能因為佢開係人流唔太多既內街，加上原來此店剛開業不久，我大約1:30去到而佢都仲有一半枱未坐人，而入面既客人亦十分安靜。所以可以係一個安靜既環境去享受食物。好難得係平日午餐時間可以有一刻平靜。
有一種意境好似在旅遊淡季去日本，於午後置身一間人少既和洋咖啡屋，慢慢享受緊眼前既咖啡同蛋糕，大概就係呢種感覺。
唯一可惜今日比較趕時間食得比較匆忙，未能夠繼續好好享受。
另外一讚係感受到幾位年輕店員十分有活力，親切有禮同用心招待客人。知道我本身想買外賣但因為定食暫時未有提供外賣而選擇堂食，同我講幫我做快啲。最後好快就出到餐比我，同聽時又做到細緻既擺碟同好好味。真正既快靚正👍🏼
好希望佢地可以繼續keep住食物質素同果種用心烹調同待人既心， 而長做長有💪🏼
Post
