辰 (Closed)

TATSU絕對係近期食過CP值最高既一餐！魚料新鮮，款式多之餘，師傅處理食材既認真更係非常欣賞❕🩶‣ 壽司6貫⋆長崎縣產伊佐木⋆千葉縣產地金目鲷兩款例牌有既魚，魚質好新鮮，不過一放入口最吸引我既卻係壽司飯，完全係我最愛🥰真係做到煙韌唔硬而粒粒分明🥹🥹⋆島根縣產Donchichi 呢粒BB魚滑溜溜，肥美又香口👍🏻⋆活北寄貝用左火炙方法處理，更加甜美而且完全無左貝類本身個陣鏽味⋆ 拖羅 油脂分布平均，無經過熟成但都無筋👍🏻無諗過呢個價位都食到咁既質素⋆天使蝦 師傅剛整起入口仲暖暖地，蝦肉非常飽滿🦐‣ 刺身4品⋆蜜柑鯛魚屬清爽既魚味，食落又帶有蜜柑香。配上紫蘇花同竹炭鹽，提鮮又保留到原味⋆八爪魚呢到結集左吸盤同八爪魚身，第一次一粒吸盤咁食，非常有質感，好新奇😆另外有片間八 ，口感互補⋆龍蝦刺身&象拔蚌兩者都屬於清爽而帶有餘香，放埋一齊又唔錯！⋆九州鯖魚今次真係有驚喜🥹用左稻草去烤魚，魚肉既燒烤味好出，入口多左份濃烈既柴香味，亦係滑溜溜‣ A4和牛丼師傅參考左sukiyaki既做法，燒汁加埋牛肉既香氣💯蛋黃都係腌製過，醬油味好重，對我來講偏咸另外還包括：⋆前菜．包括螢光魷魚、東風螺、水雲⋆煮物