Video
Read full review
2019-06-02
403 views
想食呢間火鍋店好耐今次終於有機會！openrice訂枱仲有七折！佢本身有火鍋套餐每人二百幾有前菜有海鮮有肉有菜有飲品有甜品仲包鍋底其實好抵！不過今次唔係好想食海鮮就決定散叫！諗住清清地揀左個雪山飛魚鍋入邊有好多菇同埋冬瓜腐竹仲有龍躉片上面放左兩大舊蛋白第一次打邊爐淥蛋白估唔到質感好特別有啲口感唔會好似一陣風禁好得意呀！再講個湯底 唔加錢中間就係藥材清湯加錢可以變做火焰蜆鍋湯底好清好好飲啲腐竹索哂d湯好甜好正！牛肉揀左封門柳 呢個有少少失望 因為佢唔係好滑好有油花嗰啲牛肉 雖然都有啲牛肉味但我就覺得有啲鞋口另外就點左呢個四色手打丸拼盤，有牛肉花膠丸，黑松露墨魚丸，牛肝菌豚肉丸同埋蟹子鮮蝦丸，好好食呀各款都有特色，全部都好有口感好好食！另外嗌左呢個功夫土豆片，香港好少火鍋店有，係切到好薄好薄既薯仔片，淥唔洗一分鐘就食得，好爽口好似食緊薯片禁另外叫左松板黑豚肉配小黃瓜上枱既時候哇左一聲啲油花好吸引呀配埋啲青瓜一齊食減左啲油膩感好似食緊蒜泥白肉禁幾得意！個侍應介紹我地一定要食魚皮或者響鈴叫左呢個自家製珍寶炸響鈴，果然冇介紹錯！鮮炸熱辣辣非常脆口完全冇油益味！可惜佢太大條兩個人每人只可以食到兩條
今次終於有機會！openrice訂枱仲有七折！
佢本身有火鍋套餐每人二百幾有前菜有海鮮有肉有菜有飲品有甜品仲包鍋底其實好抵！不過今次唔係好想食海鮮就決定散叫！
諗住清清地揀左個雪山飛魚鍋
入邊有好多菇同埋冬瓜腐竹仲有龍躉片
上面放左兩大舊蛋白
第一次打邊爐淥蛋白
估唔到質感好特別有啲口感唔會好似一陣風禁好得意呀！
再講個湯底 唔加錢中間就係藥材清湯加錢可以變做火焰蜆鍋
湯底好清好好飲啲腐竹索哂d湯好甜好正！
牛肉揀左封門柳 呢個有少少失望 因為佢唔係好滑好有油花嗰啲牛肉 雖然都有啲牛肉味但我就覺得有啲鞋口
另外就點左呢個四色手打丸拼盤，有牛肉花膠丸，黑松露墨魚丸，牛肝菌豚肉丸同埋蟹子鮮蝦丸，好好食呀各款都有特色，全部都好有口感好好食！
另外嗌左呢個功夫土豆片，香港好少火鍋店有，係切到好薄好薄既薯仔片，淥唔洗一分鐘就食得，好爽口好似食緊薯片禁
另外叫左松板黑豚肉配小黃瓜
上枱既時候哇左一聲啲油花好吸引呀
配埋啲青瓜一齊食減左啲油膩感
好似食緊蒜泥白肉禁幾得意！
個侍應介紹我地一定要食魚皮或者響鈴叫左呢個自家製珍寶炸響鈴，果然冇介紹錯！鮮炸熱辣辣非常脆口完全冇油益味！可惜佢太大條兩個人每人只可以食到兩條一班人嚟食真係啱晒！
飲品帶咗呢個菠蘿沙冰勁大杯可以兩個人一齊share唔會太甜可以解濟！
總括而言，呢間火鍋啲食物夠精緻湯底夠特別，可以一試！不過就建議多啲人去食！我地兩個樣樣都想試食剩好多
呢到既侍應全部都好nice好好service
埋完單仲送左兩個甜品俾我地
Post
