妹記大排檔

Open Now

Now Closed

呢間大排檔睇落個樣好有特色，比較新淨新式。亦冇人排隊，放工後竟然可以直接入唔使等位。不過睇埋落去就明點解。煎蠔餅 $68 👎🏻蠔餅係煎得好脆，但超多粉，幾乎完全冇蛋嘅成分。一啲蛋香都冇，蠔嘅數量亦好少。可以直接當食炸粉。潮式蠔仔肉碎粥 $68(/碗) 👌🏻搵勻餐牌都淨係見到$108一窩，但係一窩好鬼大架嘛2人點食得哂。問到先知原來係有隱藏餐單，有得叫一碗！碗粥呢，就冇乜潮式感覺啦。唔夠香芹香茜味，亦唔夠個種胡椒味。佢嘅胡椒係另上比你自由落，但點落都感覺唔係潮式嗰種味道。食食下仲有蠔殼碎添呀！！不過如果當普通一碗粥食嘅話，其實個味道都好食嘅。生菜包 $88 👌🏻可能係我植入式以為會係泰式味道啦，我地都覺得好失望，因為d肉碎完全係中式嘅味道。一啲都唔辣亦冇檸酸味。 雖然有啲腻，不過味道算特別嘅，超重花生味。總結，可能叫返中式大排檔嘅食物會好啲~ 對其他食物不要抱太大期望。