Video
Read full review
2024-05-01
45 views
位於新城市嘅泰式新餐廳，風頭一時無兩！見到內裏往往都係人山人海，今日就決定要去探店！香茅青檸沙冰、芒果沙冰~兩款沙冰賣相都非常好，咁熱嘅天氣，飲沙冰絕對係爽！兩個口味都冇科學味！一杯可以飲到尾😬安格斯牛肉船麵~船麵嘅湯底非常濃郁！而牛嘅部位亦有多種，例如牛筋、牛丸及肥牛...等等，可以講係一碗滿足曬食牛嘅願望！其他配料特別出色嘅係炸豬皮！微微吸上濃郁嘅湯底，加上脆脆嘅口感，簡直令人欲罷不能！瀨尿蝦炒飯~食蝦最唔鍾意食係剝殼,今次食免剝殼，仲要係最難剝嘅瀨尿蝦，瀨尿蝦有一隻匙羹咁大，食落非常口感豐富！飯粒炒得非常乾身，粒粒分明，而且非常夠味！燒原隻魷魚~大大隻魷魚穿起竹籤，再用特別香料烤熟，顏色非常吸引！店員就可以幫你剪開，食用更加方便，旁邊有泰式酸汁，沾上就更加惹味😋女生食甜品果然係第二個胃，兩個人點咗兩款唔同嘅甜品，各有特色！泰式香蕉煎餅~伴咗兩個醬汁，可以話係甜品三食，兩邊已經煎到非常酥脆，內裏有香甜嘅香蕉，原味已經非常夠味！試過分別兩種唔同嘅醬淋上面，覺得朱古力會比較襯！當然煉奶亦都不俗😬燕窩芋圓班蘭奶凍~燕窩最適合女仔，絕對係養顏嘅食材！加上芋圓、燕窩、奶凍唔同嘅口感，配埋一齊
香茅青檸沙冰、芒果沙冰~兩款沙冰賣相都非常好，咁熱嘅天氣，飲沙冰絕對係爽！兩個口味都冇科學味！一杯可以飲到尾😬
安格斯牛肉船麵~船麵嘅湯底非常濃郁！而牛嘅部位亦有多種，例如牛筋、牛丸及肥牛...等等，可以講係一碗滿足曬食牛嘅願望！其他配料特別出色嘅係炸豬皮！微微吸上濃郁嘅湯底，加上脆脆嘅口感，簡直令人欲罷不能！
瀨尿蝦炒飯~食蝦最唔鍾意食係剝殼,今次食免剝殼，仲要係最難剝嘅瀨尿蝦，瀨尿蝦有一隻匙羹咁大，食落非常口感豐富！飯粒炒得非常乾身，粒粒分明，而且非常夠味！
燒原隻魷魚~大大隻魷魚穿起竹籤，再用特別香料烤熟，顏色非常吸引！店員就可以幫你剪開，食用更加方便，旁邊有泰式酸汁，沾上就更加惹味😋
女生食甜品果然係第二個胃，兩個人點咗兩款唔同嘅甜品，各有特色！
泰式香蕉煎餅~伴咗兩個醬汁，可以話係甜品三食，兩邊已經煎到非常酥脆，內裏有香甜嘅香蕉，原味已經非常夠味！試過分別兩種唔同嘅醬淋上面，覺得朱古力會比較襯！當然煉奶亦都不俗😬
燕窩芋圓班蘭奶凍~燕窩最適合女仔，絕對係養顏嘅食材！加上芋圓、燕窩、奶凍唔同嘅口感，配埋一齊，絕對有驚喜！
Post
