Video
Read full review
2020-04-03
798 views
2020年3月23日 星期一今日同女朋友出咗去銅鑼灣睇傢俬，為我哋未來嘅安樂窩做好準備，睇完之後諗住食埋晚飯先各自返屋企，所以就喺銅鑼灣搵咗呢一間餐廳係門面見到已經覺得好有氣氛，要入到去再上樓梯先去到餐廳入到去發覺裝修好有時尚品味，位置都好空曠，枱與枱之間有足夠嘅距離原本去到嘅時候好想食小食拼盤，不過睇到餐牌已經賣晒，好彩仲有其他食物可以選擇等左一陣首先到嘅竟然係主菜溫泉蛋雜菌闊條麵，而醬汁就係黑松露忌廉汁，所以好香黑松露味，而闊條麵就好有咬口，唔會煮到太過腍跟住有小食黑松露薯條，薯條炸得好粗身，上面仲加左少少芝士碎，食落去加左一份芝士嘅鹹香味呢一個係迷你日山A5和牛漢堡，整得好精緻，裏面嘅牛肉好有肉味，一咬落去肉汁即刻流晒出嚟，而麵包都好脆口最後仲有一碗熱辣辣嘅麵豉湯，唔算太過鹹，調味啱啱好，飲埋真係已經飽晒飲品方面我叫咗一杯red bon bon，其實係火龍果梳打，再混合左其他水果，飲落去幾清新，消滯一流估唔到最後仲有甜品，賣相好靚，打卡一流，食落去感覺似係有少少奶凍同忌廉，底部有少少餅碎，感覺唔錯埋單每人二百幾蚊，環境幾浪漫之餘食物都唔錯，下次可以再試吓兩個人嘅燭光晚餐
今日同女朋友出咗去銅鑼灣睇傢俬，為我哋未來嘅安樂窩做好準備，睇完之後諗住食埋晚飯先各自返屋企，所以就喺銅鑼灣搵咗呢一間餐廳
係門面見到已經覺得好有氣氛，要入到去再上樓梯先去到餐廳
入到去發覺裝修好有時尚品味，位置都好空曠，枱與枱之間有足夠嘅距離
原本去到嘅時候好想食小食拼盤，不過睇到餐牌已經賣晒，好彩仲有其他食物可以選擇
等左一陣首先到嘅竟然係主菜溫泉蛋雜菌闊條麵，而醬汁就係黑松露忌廉汁，所以好香黑松露味，而闊條麵就好有咬口，唔會煮到太過腍
跟住有小食黑松露薯條，薯條炸得好粗身，上面仲加左少少芝士碎，食落去加左一份芝士嘅鹹香味
呢一個係迷你日山A5和牛漢堡，整得好精緻，裏面嘅牛肉好有肉味，一咬落去肉汁即刻流晒出嚟，而麵包都好脆口
最後仲有一碗熱辣辣嘅麵豉湯，唔算太過鹹，調味啱啱好，飲埋真係已經飽晒
飲品方面我叫咗一杯red bon bon，其實係火龍果梳打，再混合左其他水果，飲落去幾清新，消滯一流
估唔到最後仲有甜品，賣相好靚，打卡一流，食落去感覺似係有少少奶凍同忌廉，底部有少少餅碎，感覺唔錯
埋單每人二百幾蚊，環境幾浪漫之餘食物都唔錯，下次可以再試吓兩個人嘅燭光晚餐
Post
