膳德福素食 (Closed)

平時食得熱氣野多，我同女朋友就會去食下齋當清下肚胃。但講到食齋，黎黎去去都係個幾款都幾悶下，所以今次就聽朋友介紹食依間比較有特式既日式fusion齋😋夜晚7點幾去到已經要等位，因為鋪頭比較細，都要等左一陣先入得。一入到就叫左d比較多人食既軟殼蟹卷同牛油果鰻魚卷。 軟殼蟹卷口感一流炸得好好冇油"益"味，做得好似，再加上千島醬，唔講真係唔知其實係紫菜黎😋而牛油果鰻魚卷就比較一般。我地之後仲叫左個味菜鱔絲生根煲😋鱔絲同生根都好入味，非常適合送飯😋而且鱔絲係炸冬菇絲而成，食落爽口😋最後埋單都只係百幾蚊但都食都好飽，幾抵食，職員態度都好好，非常值得再去😎