王牌冰室 (友邦香港大樓) (Closed)

訓醒落街食返個茶記先，去咗屋企附近嘅王牌冰室開餐。.🍝星洲炒米上枱時睇唔出原來有咁多配料，配料比米粉更多🤣，米粉炒得乾身唔油膩，咖喱味香濃。.🍛王牌叉燒特濃牛乳炒滑蛋飯叉燒半肥瘦剛剛好，滑蛋炒得嫩滑，叉燒滑蛋完全覆蓋飯，加埋豉油撈飯，超正👍。.🍳特濃牛乳炒蛋+午餐肉通粉炒蛋滑得嚟好Juicy，午餐肉煎得剛好微微香燶。.餐廳裝修仿舊香港茶餐廳，行懷舊路線，牆上掛滿霓虹燈牌，充滿特式。.好味指數：😋😋😋😋4/5推介指數：😋😋😋😋4/5抵食指數：😋😋😋3/5.🍽 王牌冰室 (友邦香港大樓) (鰂魚涌)📍鰂魚涌英皇道734號友邦香港大樓地舖