廚十三老壇酸菜魚 (太子集團中心) (Closed)

次次黎開就食佢哋嘅酸菜魚，單人份量都好大份。一份酸菜魚，可以選擇配飯或米線。配飯嘅朋友仔，會加金針菇同薯粉兩個配菜俾你，而配米線嘅朋友仔，就會加金針菇同蓮藕俾你。呢間啲酸菜魚同傳統酸菜魚唔同，佢嘅蒜香味同麻油味取替咗傳統嘅重牛油味同好攻鼻嘅辣味。我一個唔係咁食得辣嘅朋友都食到。今次食嘅係午餐套餐，一份酸菜魚加一罐飲品，雖然配料只有兩樣，但份量都好足，本身食量唔大嘅人都會食剩。整體來講，都值得試下。