飲茶‧私房菜 (南豐大廈) (Closed)

一行三個女仔去飲茶？應該真係好少聽... 都係飲茶，不過黎呢間飲茶就好新潮。我地叫左櫻花蝦飯（＄109）、一籠八戒（＄49）、小食拼盤：寶石蘭度＋沙薑雞（＄119）和雞絲拉皮（＄59）一齊食，三個人食其實真係有d多，不過又幾好食。櫻花蝦炒飯熱辣辣送上，蝦仔又唔係得幾隻，都幾足料好味；一籠八戒就真係好得意，個樣都值；寶石蘭度係見佢個名好特別，諗住試試，原來是芥蘭，不過陣味好苦，個人覺得麻麻地；沙薑雞就真係好好食，是我的推介，因為沙薑味濃，雞仲好滑丶啖啖肉添；雞絲拉皮個皮都算滑，不過雞唔太有味，幸好個汁調得幾好。雖然飽飽地，不過見到隔離枱有一個好可愛的雀籠！我地忍唔住都叫左一客鴿吞鳳梨（＄59），其實係鳳梨酥，味道唔錯！趁快吃仲暖暖地！最後我都再叫左一客陳皮燉梨（＄59），十分滋潤！其實仲有好多菜式想試，下次再要食呢！