探花 (Closed)

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴青森蘋果叉燒酥（$42)作為呢間餐廳其中一個Gimmick 菜式，真係要點嚟試下😹首先外型已經好特別，你會覺得佢似樣甜品多過叉燒酥。綠色嘅酥皮用菠菜汁做成，叉燒肥瘦適中，混合左蘋果肉。既有酥皮香，叉燒肉香，亦有蘋果嘅微酸，係好新奇嘅味道👍😋值得試下。紅蝦多士（$78)成隻紅蝦鋪係酥脆嘅多士上面😛成個賣相已經令人好想一啖食左佢。但係呢個蝦多士嘅特別之處，係佢居然配埋個醬汁😳個汁係用白蘭地，蕃茄同蝦膏煮成，食蝦多士前淋啲汁上去，即刻令到蝦嘅鮮味倍升🦐🦐🦐非常之惹味👍👍以致到食完個蝦多士之後，我仲留返啲汁，食蝦餃個陣點嚟食😚👍晶瑩蝦餃（$46)蝦餃要好食嘅話，好簡單4隻字「皮薄餡靚」🍤🥟呢到就做到呢個要求，蝦肉大大舊又結實，係做得好好食嘅蝦餃。乾炒M7和牛河（$168)呢個牛河我地一上枱都嘩左聲🤯因為佢居然係被牛肉包圍住🥩原本我地都諗住和牛少少，但個河粉就多多咁。但估唔到牛肉份量可以有咁多😳河粉夠彈，鋪滿芝麻好香口，而且炒得唔油膩，但略嫌有少少唔夠鑊氣。不過咁，牛肉嘅話就真係冇得彈👍肉味好濃，唔鞋唔韌，整體嚟講係碟好唔錯嘅牛河。雙色流沙煎堆仔（$42