潮食地 (Closed)

行完D2place就搵野食醫肚，不時都想食下啲港式食物，但係又驚茶餐廳質素差，今次試咗潮食地感覺唔錯，新式茶餐廳乾淨企理，食物有夠港味！黑椒蜜汁薯仔牛柳醬汁好惹味，蜜汁甜甜地，配上辣辣地嘅黑椒，送飯一流！另外薯仔輕輕炸過，所以外脆內軟！牛柳就一啲都唔韌，牛味亦都好足！咖喱牛筋坑腩牛筋坑腩量份量唔少，都有五至六舊！咖喱亦都好港式，但係唔會過辣，啱啱好，又係送飯一流！另外叫咗一杯紅豆冰，花奶非常之足，啱晒我好奶之人！