爸B燒

Open Now

Now Closed

今日同老公去尖沙咀辦年貨，晚飯時間見到間新開嘅串燒店，都好想食，咁就左去睇睇。餐廳唔算大，裝修簡約，環境乾淨整齊。呢度串燒相當齊全，想食咩都有，可用QR code點餐，落order時，先揀自己食開嘅辣度。新張期間限定，海蝦做緊8蚊串，價錢相當優惠。椒鹽多春魚：咬落輕脆，味道夠，可以全條食，好方便。椒鹽雞軟骨：有咬口，鹹鹹地，送酒就最啱。燒雞泡魚乾：燒到又熱又脆，點埋沙律醬幾滋味。海蝦：蝦肉新鮮帶甜味，肉質結實，做緊推咁抵，必叫！雞扒串及牛柳串：兩款肉都醃得入味，食落juicy軟熟，好味。煙肉荔枝卷：煙肉燒到出晒油，鹹鹹地，荔枝好多汁，味道好夾。鹽燒厚切牛舌：都幾震撼，無諗過咗大件。火喉控制得幾好，剛剛熟，又唔會燒到乾淨淨。厚切一d都唔韌，有口感。牛油超甜粟米：牛油味超濃，粟米幾甜，輕輕燒過係好食D。燒茄子：全條茄子上，燒得好淋，勁香蒜蓉味，有少少豉油幾好味。金菇肥牛：經典之選，肥牛肥瘦均勻，有肉味，同金菇一齊食就最match。七味燒飯團：面層搽左醬油，飯團燒到脆口，內裡軟淋淋，加上有七味粉，辣辣地，幾惹味。飲品：老公食串燒就鐘意飲啤酒，我就叫左杯鹹檸七，兩款都清熱。