Green Common (海港城) (Closed)

呢間主打素食嘅餐廳喺香港都有好多間分店，今日想食得健康啲，所以就入去試吓。💃🏼〈葡汁新炸魚柳燴藜麥蒟蒻米〉🐟🍛蒟蒻米我都係第一次食，估唔到個口感幾特別，食落都幾似食緊米飯，而且都幾飽肚，新炸魚柳炸得好香口，十足十真嘅魚柳一樣，份量好多，幾乎食唔晒添！〈芝趣焗豬扒意粉〉🧀🐷🥩🍝豬扒好大塊，啖啖口感都好滿足，意粉調味適中，食得健康又好味。〈Omni新蟹餅〉🦀唔講都估唔到係素食，因為食到口感係一絲絲嘅蟹肉，炸得好脆口，仲有泰式甜辣醬沾！〈新餐肉趣趣條〉🥓將新午餐肉切成一條條好似薯條咁，食落都幾得意，而醬汁仲可以揀煙燻蜜糖芥茉醬，或者茄汁，我就試咗前者，甜甜辣辣咁，幾開胃。〈流心香芋西多士〉🥪呢款西多士係我最推介嘅一款食物，因為芋頭蓉好多，而且唔會太甜，麵包唔會炸得太乾身，旁邊仲有一杯芋頭醬可以沾，食得好滿足！〈香芋烏龍綿綿茶〉🥛雖然烏龍茶嘅味道唔算好濃，但係芋頭香同埋奶蓋嘅味道好夾，係一杯好好飲嘅飲品，超級推介！〈焙茶拿鐵〉☕️估唔到焙茶嘅味道咁濃郁咁出，喺而家天氣涼涼哋下，飲下暖嘢，個胃都舒服好多。