湯•米 (Changed Hand) New Restaurant

今日同朋友想打邊爐，但係又唔想咁普通，所以上左openrice search下有冇特吃啲嘅邊爐，點知俾我發現左呢間台式邊爐。我地一人一鍋，朋友叫左個「招牌臭臭鍋」，呢個係一個加左臭豆腐去煮嘅湯底，我中意臭豆腐，但湯有臭豆腐味就唔係好中意，好似怪怪地，反而我朋友幾中意，中唔中意個味就因人而異。我叫左個「沙茶牛肉鍋」幾好食，好重沙茶味，夠濃， 兩個鍋都係略嫌太多菜 似菜煲多啲。小食叫左「臭豆腐」，好香臭豆腐味，我個人幾中意食港式臭豆腐，但係呢個台式臭豆腐係林身嘅，我覺得麻麻。