愛上米線 (美輪大廈) (Closed)

新開主打米線的餐廳，見到門口餐牌介紹主打用較健康嘅海鹽煮米線，口味都係港式風格，於是試吓！餐廳嘅裝修時尚新潮，紅白黑主色，座位都相當闊落舒適。我哋嗌左兩碗米線同埋加$18就可以轉套餐，當中包一款半例小食同飲品。第一碗係牛骨湯熬出嚟嘅紅燒牛展米線，牛展煮得非常軟霖入味，湯底微辣惹味。另一碗紅燒排骨米線味道就比較清淡鮮美，唔係想像中比較濃味嘅長排骨，但都幾入味，撈埋配料食唔錯。小食方面麻辣豬耳都非常爽脆，辣中帶麻好惹味！剁椒皮蛋上鋪滿剁椒碎，當開胃菜一流。 我哋仲嗌左個滕椒雞粒蔥油餅，好好食雞粒同蔥油餅非常搭配好香脆。飲品方面嗌左雙檸梳打茶同埋青檸梳打，酸酸甜甜解膩！