Video
Read full review
2022-10-09
96 views
《龍記燒味 x PizzaExpress $528》PizzaExpress一向多搞作，今次同龍記燒味合作推出Tasting Menu，$528一位，有齊Starter、Salad、Pasta、Pizza、Dessert，仲有2款Wine Pairing！《龍記乳豬焗金文拔芝士配菠蘿莎莎》呢個配搭真係幾有驚喜！油滋滋的脆皮乳豬可口不油膩😋用上慢煮方法，肉質保持到軟嫩多肉汁。有別於傳統蘸白糖食法，今次採用唔少蔬菜做配料，加上軟綿綿的Camembert Cheese同爽甜的菠蘿莎莎，驚喜又夠Refreshing🤩《西洋菜沙律》 配蘑菇片、杏仁、車厘茄、腌製洋蔥、紅酒醋第一次試西洋菜做沙律菜，好有新鮮感😯食落唔會好嚡/澀口，亦都稍為中和一下飽膩感。《XO醬青口粗管通粉配龍記潤腸》Rigatoni同Aglio olio兩者都係我喜歡既item～咸香十足的XO醬青口配搭甘甜的龍記潤腸，有意想不到既風味😛好似食緊甜甜地既pasta咁。《北京烤鴨薄餅》之前試過一次烤鴨Pizza，嗰次略嫌太多醬料，今次呢個改良版明顯有分別。Pizza夠薄身，批邊夠脆，再用上龍記燒鴨、海鮮醬、Mozzarella、辣椒
PizzaExpress一向多搞作，今次同龍記燒味合作推出Tasting Menu，$528一位，有齊Starter、Salad、Pasta、Pizza、Dessert，仲有2款Wine Pairing！
《龍記乳豬焗金文拔芝士配菠蘿莎莎》
呢個配搭真係幾有驚喜！油滋滋的脆皮乳豬可口不油膩😋用上慢煮方法，肉質保持到軟嫩多肉汁。
有別於傳統蘸白糖食法，今次採用唔少蔬菜做配料，加上軟綿綿的Camembert Cheese同爽甜的菠蘿莎莎，驚喜又夠Refreshing🤩
《西洋菜沙律》 配蘑菇片、杏仁、車厘茄、腌製洋蔥、紅酒醋
第一次試西洋菜做沙律菜，好有新鮮感😯食落唔會好嚡/澀口，亦都稍為中和一下飽膩感。
《XO醬青口粗管通粉配龍記潤腸》
Rigatoni同Aglio olio兩者都係我喜歡既item～咸香十足的XO醬青口配搭甘甜的龍記潤腸，有意想不到既風味😛好似食緊甜甜地既pasta咁。
《北京烤鴨薄餅》
之前試過一次烤鴨Pizza，嗰次略嫌太多醬料，今次呢個改良版明顯有分別。Pizza夠薄身，批邊夠脆，再用上龍記燒鴨、海鮮醬、Mozzarella、辣椒、青葱、青瓜等配料，味道層次剛剛好唔會太漏。
《Coconut Sorbet》
最後有椰子Sorbet🥥作結尾，椰子香滑味道出眾，中間有個類似芒果Sorbet，一絲絲香甜配上椰香，呢個組合好夾🤤
Post
