新齋橋 (Closed)

餐廳非常闊落，中間設有壽司吧枱，可以欣賞師傅大展功架🙆🏻‍♀️ 餐牌方面，有得揀Omakase、日式定食或者烤肉。✨上壽司之盛盒(10貫) $138 🍣每件壽司配搭唔同嘅配料，例如金目配鯛牛蒡、北寄貝配蟹膏、魷魚海膽配薄薄既青瓜片🥒 同紫菜蓉。壽司味道新鮮，加上淡淡清新怡人既紫蘇花嘅香氣，呢個價錢都冇咩可以挑剔 🙆🏻‍♀️✨吉列大盛定食咖喱 $128份量十足！一共有三款炸物，豬扒、大蝦同炸蠔，外層非常酥脆，炸皮亦唔會太厚。咖喱係唔辣嘅，味道正常。跟餐會有蒸蛋同沙律蔬菜，蒸蛋水嫩多汁，好食！