十十川滬料理 (Closed)

假日同屋企人出去旺角辦年貨，諗住去朗豪坊食完lunch先，我地就去咗food court睇下有咩食，點知係隔離就見到有間小清新既餐廳，原來係食川滬菜，岩哂我屋企人，即管試試我地一坐底就覺得環境好舒服，可能因有好多木既元素，第一印象已經好好，再睇睇餐牌有假日午市一人餐，不過再睇有個仲吸引，就係十十迎春二人套餐，有好多野食，岩哂咩都想試既我，同埋有心思改哂好意頭既菜名套餐分別有涼菜、前菜、小菜、主菜、甜品及飲品涼菜揀咗椒麻雞，上面放咗大量蔥花，所以好香，醬汁係麻麻香香好開胃前菜-什錦小籠包(分別有鮮肉、酸菜魚、香辣、金黃流沙)一上枱顏色已經好吸引，當中酸菜魚口味好出色，仲要入面真係有魚，好驚喜小菜揀咗清炒萵筍絲，食川菜必叫既食物，好清新爽脆主菜揀咗十十海鮮大會，都好足料下，有大蝦、花甲、鮑魚、魷魚，下面仲有娃娃菜係底添，有咁多料，所以湯超清甜甜品-🍍酥皮鳳梨奶黃窩餅，上枱熱辣辣，食落好似薄身鳳梨酥，入面仲有細細粒鳳梨，好特別飲品-青蘋果梳打、百香果梳打，食完啲辣野，當然要飲返呢啲飲品gur哂呢間新派川滬菜值得一家人試下，佢仲有個四人餐，新年前再同屋企人試下先