稻香 (新九龍廣場) (Closed)

2/9, 大年初三, 陪未來老爺奶奶去咗稻香飲早茶,我哋四個人加埋都算食咗少唔嘢,有皮蛋廋肉粥(仲有未來老爺唔知食咗個咩粥)、奶皇包、韮王鮮蝦腸、蝦餃、粉果、炸帶子、日式煎餃、黑椒牛仔骨、鴨掌同鳯爪排骨飯,不過最後食唔晒, 個鳯爪排骨飯留起咗比未來奶奶打包返屋企。睇噃價錢牌, 原來年初一至年初七既價錢都唔同, 當然係貴咗啦! 大約貴一至兩成喎!未來奶奶都話嚟攞位時都唔駛等位, 可能大家都知呢幾日飲茶貴呢! 不過呢度既早點都幾好食既, 最好食係個奶皇包, 另外樣樣都叫做熱辣辣, 亦keep 到水準, OK 啦!