稻香 (新九龍廣場) (Closed)

今日呢到大角咀稻香食早餐 早前聽朋友講呢度啲早茶好抵食 , 所以今朝嚟試下， 檯面凍咗張半價牌 睇嚟都比較吸引， 我叫咗一碟魚皮餃菜 同埋一碟魚用炸茄子 味道唔錯 呢度啲早茶都幾多客幫襯 多數都係啲街坊，長者， 都有唔少晨運客 同啲搽下傾閒偈， 知道原來呢度啲口碑都幾好 啲夥記都好有顧客心， 有啲客一坐低唔使叫都知道有乜嘢茶 因為熟咗 又上心 酒樓啲環境都ok， 出品速度都可以接受， 今朝呢張單31個半 佢哋嘅午市粉麵都有做半價 我又搵到個飲早茶嘅好去處

上個星期五，喺街度偶遇，兩三個同學仔， 非常之高興， 太耐冇見了， 於是約埋喺大角咀稻香飲茶。 呢度啲顧客唔算多， 大概係因為疫情， 但係所有工作人員都戴上口罩， 依然可以聽見錯落有聲的歡迎聲， 啲點心都還可以接受， 食品够熱， 出品時間適中， 枱面擺放一個點心半價牌， 令到我哋眼前一亮， 原來十一點前落order， 十一點半前埋單，有半價。 我哋一共四個人， 叫咗十幾籠點心， 去到11點15分左右， 仲有兩個點心味嚟， 就諮詢樓面， 點算？ 佢話畀我哋知，到時我哋可以埋單先，佢盡快幫我哋將點心今晚出嚟， 果然佢三分鐘之後就將 兩個點心跟返出嚟啦。 令到我哋可以順利準時埋單享受半價優惠！ 呢種做法真係好值得業界借鑒！ 呢度啲環境都算整潔！ 佢哋五時都有做粉麵半價推廣！ 斑腩 孖寶 衹售98蚊！呢次偶遇我哋都聚得好開心！ 都可謂係平靚正

2月22日 中午約十二點鐘的時間， 一同六人， 好特別我哋不是吃點心， 而是叫小菜。因為現在的疫情關係，這間店現在營業時間到四點半， 我哋又不想吃點心， 所以 我哋就單點，叫了幾個小菜海鮮 試下 ，我們叫了一個 金菇生蝦煲，黃金炸蟹鉗 ，清蒸龍躉斑 ，腰果牛柳粒…金菇生蝦煲~ 有氣氛熱辣辣 啲，蝦好新鮮 ，好爽口。 黃金炸蟹鉗~擺設好吸引，蟹鉗一入口啖啖肉 。 清蒸龍躉斑~魚新鮮，肉質鮮嫩。 腰果牛柳粒~ 牛肉嫩滑 。 原來中午吃小菜 ，都是一個幾好的選擇

做冬要就老人家，近近地去左附近既新九龍廣場入面既稻香食晚飯。5點9去到佢唔俾入，話未開，心諗，乜咁嚴架咩😅6點入去攞位等老人家，唔算好多人。老人家唔食得多，食既種類又有限制，所以都係無嗌餐，散叫。蒜片焗肉排，無諗過原來係排骨，同埋有啲避風塘既風味。整體黎講，比較硬同多味精，早知係咁嗌咕嚕肉醒下胃仲好。一隻沙薑雞，賣相不俗，肉質唔鞋口。濃湯海味雜菜煲，啲菜一黎到就已經係偏黃，明顯煮得耐左。不過錯有錯著，因為煮耐左，好淋，老人家可以食多啲。一樣多味精。紅燒豆腐雜菌，老人家最愛，夠淋。

今天好朋友生日， 在 大角咀稻香 擺生日酒。 今次好特別，唔係食啲一圍圍嘅套餐，而係散叫的。有~豉油皇海中蝦清蒸阿拉斯加長腳蟹鹽燒8頭鮑魚清蒸海星斑新鮮菠蘿咕嚕肉 等等…豉油皇海中蝦，啲蝦好大隻好新鮮， 長腳蟹肉質鮮甜好大隻， 仲有好多蟹膏添 鹽燒八頭鮑魚， 賣相吸引，通常食鮑魚食清蒸，今次食鹽燒，幾特別好香口， 送啤酒唔錯， 星斑分量足夠，新鮮肉質嫩滑，咕嚕肉 用咗新鮮菠蘿配搭 食落口零舍唔同，咕嚕肉脆口。今餐的餸菜， 係即場叫的， 即時製作， 廚師都有番咁上下水準， 所以值得介紹一下:like:

琴晚同屋企人嚟到大角咀稻香食飯 一入門口就感覺到店員滴歡迎聲錯落有聲 你好稻香歡迎你 當時殿裏面唔係太多顧客用餐， 我們被安排咗近住廚房嘅中臺， 佢哋係開放式廚房 可以直視師傅做嘢 睇到啲厨房清潔 我哋叫咗羊腩煲 豉汁蒸大鱔 、瑤柱海味雜菜煲、 新鮮菠蘿咕嚕肉 、沙嗲金菇肥牛煲 開茶嗰陣時 向我哋介紹咗 純天然無添加的 椰皇水 我哋要咗佢哋嘅資助吧 因為自助吧裏面有豆漿好啱我哋屋企人哋心水， 啲豆漿夠細濃郁、 微甜。 啲紅豆沙夠香夠綿，啲羊腩煲分量足夠 有 馬蹄 、薑、 冬筍、濕冬菇炸蒜子、唐芹、大蒜、 炸枝竹、 蒟蒻片。 羊腩汁夠濃夠香滑 蒟蒻片qq爽口 ，口感好特別。 新鮮菠蘿咕嚕肉外脆內軟， 新鮮菠蘿香甜 海味雜菜煲煮得啱啱好唔會太諗唔鹹 夠曬健康。 沙嗲金菇肥牛煲送飯一流 ，豉汁蒸大鱔夠未夠嫩滑 用餐過程中我哋有屋企人去洗手間啲店員會提示我哋小心斜坡 樓梯落慢慢行！ 我哋一家五個人用餐 平均每人百零蚊度。 今次係一個唔錯嘅用餐經驗 下次我哋會過嚟再試 火鍋

有圖有真相，等咗成半個鐘，都仲有拎2個生肉灌湯餃出黎，真係極度過份。一飲個湯已經覺得味道怪怪地，挖開個涵，大大嚿生豬肉係度，仲要係冰既，5碗裡面有2碗都係咁，完全冰鮮生肉。等都唔係問題，唔好咁過份吖，真係離哂大譜。唔係好理解大集團點解可以做出咁既質素，以前稻香都叫做ok，正正常常，近10年真係每況愈下，愈做愈差。點心等得耐，三催四請，加壺茶都需要提兩次先有。可以肯定既係，永遠都唔會再幫襯。不可一不可再

今晚 我們一同六個人 在大角咀稻香食晚飯， 雖然我哋主要係 傾計為主 ，但這幾個小菜 有幾方面的地方 值得讚賞 。1.杉斑兩味 西蘭花炒班球~ 分量足夠 ，西蘭花爽甜， 斑球肉質嫩滑。2.蘿蔔炆斑頭腩~ 夠入味,蘿蔔清甜。3. 豉汁炒油麥菜~豆豉及蒜蓉味足夠，菜清甜。4. 油鹽水浸菜心~ 菜心 好有蒜子的香味。5. 稻香燒鵝皇半隻~賣相雖然一般，但是好夠熱，皮夠脆，肉質嫩滑。6. 美極煎海生蝦 ~份量足夠，香口，蝦新鮮，送酒一流。 整體嚟講師父的廚功，穫氣，味道唔錯，值得推介。

琴日有朋友生日. 早在半個月前 就預訂咗大角咀稻香 慶生. 有人 話啲 套餐 好抵食, 預先落訂可以減番500蚊一席 又有啲朋友住喺附近 所以就選擇咗大角咀稻香， 又可以有房坐又🤗可以打麻雀🤗 個套餐又可以免費升級轉一隻燒鵝 成個套餐二千蚊、 有得交易。 但為咗個餐更加有質素， 班朋友可以更加開心、 我哋轉咗波士頓龍蝦、 轉咗虎杉斑、 另外加咗幾個小菜 個套餐燒鵝皮脆肉香 虎杉斑特別有魚味 整得啱啱好夠熟。 蒜蓉粉絲蒸元貝够清甜！新鮮！ 鮮菠蘿咕嚕肉 開胃可口 啲汁唔會太多啱啱好包住個肉， 酸甜適中， 大多數人都鍾意！ 菜遠炒牛肉， 都幾好啲牛肉夠曬 嫩滑！ 瑤柱蛋白炒飯夠乾身唔肥 夠香！ 個圍套餐啲份量都好足夠！ 啲棗蓉糕够曬煙韌可口！ 又唔太甜 我哋一共係18個人, 坐埋一張超大枱 都幾開心下 啲侍應招呼都還可以接受！ 店舖環境都ok 洗手間地面 乾爽 沒有異味！ 張單三千送啲埋單！ 今次係一個比較好嘅用餐 體會！ 喺呢度同大家分享下！ 有機會會過嚟試佢哋放題！

2個人9點幾嚟打邊爐，9:24 落左單成個中，只係到左個湯底，追左3次單，10:05 左右終於到左幾碟。。。再等左好耐，見有其他枱既不斷追單。原來好多枱都流單 有個送餸既姨姨，亂咁送餸仲問，呢個你要唔要呀？呢個呢？火都嚟。人手落單，有個高級少少既話，我地冇晒架啦，好多都冇。冇食物既餐廳做咩生意呀，不如早啲關門啦沒有最嬲，只有更嬲見到有枱嬲到野都冇食走左。唔明點做生意。另一個讚既，雪櫃冇晒啤酒，問佢，佢比熱既我地，送上冰筒

So far the best shrimps have been eaten! ! ! I still think about the kind of drooling! ! ! There are five or six shrimps in each of the tops, and the pork puree is used as a filling. The meat is firm and Q-bomb. The sweet and fresh combination with the shrimp is wonderful. The chef has absolutely paid attention to the stuffing.Our ordered dimsum pau, and tea were actually good if you ignore the earlier part, and not too pricey. We liked the food so much that we came again the next day there for

琴日 老細話贊助我哋二百蚊食lunch， 令到間公司同事躍雀起來。 有同事建議去稻香， 一共11位， 去到門口有些少人等， 侍應話畀我哋知 ，一陣就會有位 ， 幷誠懇奉上點心紙 比我哋先選擇。 入座後， 大概20分鐘內就有嘢食， 而且啲食物夠熱 啲同事主動介紹啲優惠炒粉麵畀我哋， 仲話加五蚊有 冰凍， 可口， 韓國飲品飲。 我哋選擇咗其中兩款 粉麵， 但係我哋 有啲人都想飲 韓國飲品， 於是問下個 主任 可否做個優惠畀我哋？ 去爽快答應 8罐韓國飲品都係加多40蚊 最後佢哋主動奉上爆珠豆豆桂花糕畀我哋試 仲話畀我哋知下次lunch訂檯十位以上可享有85折優惠 今次lunch享受又開心 稻香將成為我哋lunch選擇地之一。 仲見到佢哋枱坐上有牌寫住下午茶有半價優惠。 啲侍應服務都幾ok， 環境都可以接受。 食物够衛生全部冚蓋 有機會我都會同屋企人過嚟 試下個下午茶。

昨晚同家人慶祝父親節，食打邊爐。雖然佢哋有火鍋任食放題，但是我們最後選擇了散叫，因為我哋諗住唔係食好多嘢，原來散叫打邊爐都唔算貴，好抵食。湯底＞我哋點算左一個麻辣雞煲～湯底好濃郁雞好嫩滑。花雕醉雞件＞有花雕的香味四寶丸＞有墨魚丸，鯪魚球，朱肉丸及鯪魚球，都好新鮮墨魚滑＞有口感。田園蔬菜籃＞內有很多種蔬菜，擺設吸引，顏色豐富，蔬菜好新鮮。最觸目的就是一個海鮮拼盤，擺設好吸引，夠新鮮內有龍躉班片，有一隻肉蟹，有鮑魚，有元貝等這次父親節家人都食得好開心，所以今次打邊爐非常之抵食。

今天 一個下雨天的晚上， 去咗新九龍廣場稻香。 原來今天晚上有新推廣的小菜， 大約八款新的小菜推廣，而我哋今天得兩個人，所以要咗其中三個嚟試一試 。1·冬瓜雲吞雞 2·三文魚仔拼豉汁蒸元貝豆腐3· 柚子方塊肉每個餸都有一個值得讚賞的地方。 冬瓜雲吞雞>內有四粒雲吞,啲雞肉好嫩滑, 個湯好有雞肉嘅味道° 元貝豆腐>配搭好特別,一共有六粒元貝豆腐而其一半用豉汁蒸，另一半用三魚子醬蒸，所以 一碟餸用有兩種口味，配搭好特別 。柚子方塊肉>這是用豬肉來炸成一件件,再用柚子汁去配搭幾特別，又脆又好味。

今日約咗個朋友 食飯， 佢住大角咀 ， 於是約埋喺稻香食嘢。 今日稻香唔係好旺。 但係入門口啲夥記 都算熱情。 我哋叫咗一隻bb豬， 佢哋仲配埋一打意包 薄薄哋夾埋塊乳豬青瓜飲配埋啲醬， 都幾好味。 仲叫埋個抵食孖寶， 薑蔥肉蟹 同埋個 瑤柱海味雜菜煲 先至138， 叫埋支特價虎啤。 呢餐食得抵食好味又開心。 呢間店舖環境都幾好。如果有機會 ，會同啲同事或者家人在你過。