明記咖啡糖水小食 (Closed)

年初六市面好多食市都仲未開門，睇完戲回家途中想食甜品，所以試吓去明記碰吓運氣。 明記喺西灣河有兩間店舖，平時去開新店但仲未開舖，於是再去睇吓百佳對面舊店，好彩有開門仲全場滿座。明記供應多款新舊甜品，仲不時有新產品推出。桑寄生蓮子茶: 桑寄生具補肝腎、強筋骨、祛風濕等功效，亦具有降血壓、抗氧化、利尿等作用。 明記嘅桑寄生茶特別濃郁甘甘甜甜，原本包括一隻雞蛋但因之前食得太飽所以要求唔加蛋。蓮子份量唔少非常鬆化。杧果西米露: 以為好單調點知係非常豐富，有多汁香甜杧果、香濃杧果汁，椰汁西米露。杧果同椰汁係一個完美嘅配搭，西米粒粒分明唔會黐埋一舊，椰汁要一讚因為加入另一好拍檔芋頭碎但好難擦覺，我覺得如果可以加多啲芋頭或大粒啲，會更加完美好味。