Video
Read full review
2018-02-05
370 views
氣溫得幾度, 天寒地凍,攪到整天都處於好想食嘢狀態, 凍冰冰最好就係打邊邊或BBQ, 今晚跟為食友即興到黃大仙中心來個韓式燒烤, 貪佢方便就腳, 一上地鐵便到, 仲有....揀呢度最主要原因查實係我好想試吓韓式撈起......九節坂, 炑八韓烤的新年套餐就有這個意頭菜。呢間韓烤好鬼大間, 座位疏落又坐得舒服, 裝潢既young 又warm, 令人好舒服的感覺。一個成功的餐牌就係要讓人睇完後有食嘅衝動, 牛及海鮮都令我很想食。三種調味料芥醬甜甜地, 辣辣地, 有啲似面韓式辣麵豉醬。最正係佢哋個抽油煙機比較貼近烤爐, 抽煙力強勁, 唔使邊食邊吸油煙, 讚！兩旁一邊是泡菜蛋液, 另一邊是芝士粟米, 免費任添任食, 芝士粟米烤芝士烤半溶狀態最好食, 漿力夠, 香氣逼人。今晚我跟朋友吃這個步步高陞賀年套餐 ($588）步步高陞賀年套餐包括以下食品 ;1. 韓式前菜2. 麻醬沙律3. 九節坂4. 韓燒拼盤 ~ 牛小排, 牛前胸, 牛舌, 牛五花, 大蝦及豬五花腩5. 餃子年糕湯麻醬沙律菜生菜青瓜紅蘿白菜盤韓式前菜四小碟泡菜 ~ 少辣帶微甜, 軟身入味, 好食。韓式魚片 ~ 有少許魚味, 微辣。酸蘿
呢間韓烤好鬼大間, 座位疏落又坐得舒服, 裝潢既young 又warm, 令人好舒服的感覺。
一個成功的餐牌就係要讓人睇完後有食嘅衝動, 牛及海鮮都令我很想食。
三種調味料
芥醬甜甜地, 辣辣地, 有啲似面韓式辣麵豉醬。
最正係佢哋個抽油煙機比較貼近烤爐, 抽煙力強勁, 唔使邊食邊吸油煙, 讚！兩旁一邊是泡菜蛋液, 另一邊是芝士粟米, 免費任添任食, 芝士粟米烤芝士烤半溶狀態最好食, 漿力夠, 香氣逼人。
今晚我跟朋友吃這個步步高陞賀年套餐 ($588）
步步高陞賀年套餐包括以下食品 ;
1. 韓式前菜
2. 麻醬沙律
3. 九節坂
4. 韓燒拼盤 ~ 牛小排, 牛前胸, 牛舌, 牛五花, 大蝦及豬五花腩
5. 餃子年糕湯
麻醬沙律菜
生菜青瓜紅蘿白菜盤
韓式前菜四小碟
泡菜 ~ 少辣帶微甜, 軟身入味, 好食。
韓式魚片 ~ 有少許魚味, 微辣。
酸蘿蔔 ~ 酸酸甜甜好開胃
大豆芽 ~ 爽口
九節坂
呢個就係我最想試嘅韓國宮廷前菜~~~九節坂, 九節坂不同食店有不同配料, 吸引我的是其配料色彩繽紛, 味道多樣化, 今晚有青瓜絲、蛋絲、牛肉絲、菠菜、 蟹柳,\、冬菇絲、 紅蘿蔔絲及醃製蘿蔔絲。
材料本身味道及口感已各有特色, 只須用餅皮捲起材料便可吃用, 清淡、美味又健康, 最緊要係靚吖嘛
餃子年糕湯
內有糯米小湯圓、蛋絲、洋蔥、脆肉瓜、蒜及紫菜等, 湯頭清清地, 唔鹹, 食完唔口渴。
好一個聚寶盆, 珠圓玉潤, 金銀滿屋。
韓燒拼盤
從左至右 ~ 五花腩、牛小排、牛前胸、牛舌及大蝦, 前排是牛五花。
呢件牛五花好明顯係和牛啦, 雪花密集而分佈平均。
今次件和牛火候控制得好好, 剛剛五成熟, 燒得嫩滑又油香, 牛肉味都唔錯。
大蝦新鮮, 夠大隻, 啖啖肉, 爽甜。
牛小排 ~ 打邊邊及BBQ 常客, 貪佢夠肥美及嫩滑, 燒幾下簡單灑少許鹽已經非常美味。
牛前胸 ~ 有咬口, 牛肉味較濃郁。
牛舌 ~ 厚切, 燒完都唔覺乾, 爽口。
五花腩
失左手, 五花腩比我哋燒到乾左, 唔夠juicy, 另一方講法係比較脆口及迫左唔少猪油出黎, 比較健康。
用生菜及青瓜加點芥醬捲住食, 惹味得嚟較清新, 冇咁油膩, 上層嘅豬皮及半肥瘦燒到脆脆地, 啲油又少左, 好鬼正
我哋今晚叫左兩樣飲品
Hite大啤 ($75)
凍冰冰都要飲啤酒？bbq與啤酒應該在一起的, 不能分開, 呢隻韓國啤酒麥味比較輕, 又夠冰凍爽口, 啱女仔飲, 更啱韓燒飲。
柑橘特飲（$32）
夠曬大杯的梳打柑橘特飲, 可以同朋友開心share, 食完燒烤來一杯清一清喉嚨, 爽曬, 可以埋單走人。
食咗咁多嘢, 飽到上心口, 質素又唔錯, 埋單都唔洗八百, 抵食
Post
