川淮居 (Closed)

17/2/2019 @ 川淮居新年當然要食中菜， 因為大家都住沙田，所以同一班好姊妹揀咗嚟呢一間餐廳食飯。我哋六個人叫左兩個前菜，兩個主菜，再加多隻北京填鴨。餐廳服務都唔錯，好彩我哋一早book咗位，所以唔需要等就入得，侍應會幫你套椅套同斟茶等等。前菜… 燻魚同老醋小排骨新與舊乾身，上面伴啲汁，有煙燻味加少少酸甜味，幾開胃。個人比較鍾意老醋小排骨， 老醋嘅味道好香又唔會太搶太俗，而且排骨軟硬啱啱好， 骨頭都好容易甩到出嚟主菜… 鮮茄蝦仁鍋巴，砂鍋雲吞雞煲鮮茄蝦仁鍋巴我覺得係必食之選，鍋巴炸得脆卜卜，而且唔油膩，即使放得耐都仍然好脆口，個人食咗三嚿都唔覺得滯，非常好食 鮮茄汁稀得黎好夠味，唔會好似一pat pat張住,而且有好多蝦仁,蝦仁夠爽口彈牙，配埋新鮮番茄食，非常開胃砂鍋雲吞雞煲賣相好靚，湯底都好濃沃鮮甜，雲吞都至少有十粒，而且侍應會幫你分埋一碗碗， 如果可以再熱啲就更加好。主打：北京填鴨一隻北京填鴨其實即是片皮鴨， 見佢喺餐廳必食之選，所以對佢冇咁高嘅期望。 填鴨係香脆的但係略嫌比較油， 包住片皮鴨的皮非常煙韌，而且有啲笠和"淋身"，個人不太喜歡。 可以一讚的係醬汁畀咗好多，而且