譚仔雲南米線 (大本型)

Open Now

Now Closed

平時自己一得閒就會食譚仔，都算係油塘譚仔嘅熟客仔。今日如常去譚仔解決午餐，見到有新嘅撈米線，一於就試吓！ （平時自己都好鍾意食撈麵類）我最後叫咗呢款新米線，二小辣！另外加咗個豬肚絲。可能叫呢款嘅人唔多，又正正Lunch時間，所以都等咗幾個字。米線一嚟到嘅時候，第一個比我嘅感覺就係：外觀唔太討好…不過唔緊要，未到先至係王道。喺味道方面，我覺得炸醬嘅味好香，同撈米線個感覺好配合，再加上有少少酸菜，有酸辣嘅感覺，感覺幾新鮮。不過辣度唔太夠，始終我只係叫二小辣。如果大家食得辣的話，試嘅時候不妨叫辣D。總括來講，我覺得個味道唔錯，推薦大家試。