Video
Read full review
2020-06-15
672 views
岩岩搬屋搬左黎土瓜灣一段時間，晚晚都會周圍行下，搵下有冇咩好味既野食～因為我地住個到比較清淨，所以行左幾日都好似冇咩收穫！今日決定行遠小小，真係俾我地搵到新野！呢間外面平平無奇，但入面坐滿曬人，原來係一間平價食Pizza既地方，今日就食呢間啦！舖位細細，但款式真係幾多既。基本上都係個D，雞翼，Pizza，焗飯，焗意粉，沙津等等。－夏威夷（細批）－呢間好特別，細批呢個呎吋可以叫做心心款，好靚，好特別！！材料十足，Pizza包夠厚夠軟，食多幾舊都唔怕咬到牙軟！－肉丸拼香草腸－每樣都有４件，份量岩岩好，香草腸肉汁豐富，肉味都特別濃郁，肉丸個味非常特別，有香草腸既肉味，但又唔同既質感，推薦！－葡汁雞皇焗飯－基本上間間食Pizza都會有呢個，不過好唔好味就好重要！呢間係我食過咁多間最好味既，飯粒粒分明，葡汁夠多，食完個飯都仲有汁，最怕乾曬個ｄ～仲要材料夠多，面頭好多肉粒，紅蘿蔔等等材料，非常抵食！最後叫多凍奶茶同凍檸茶就飽住肚肚返歸了～
搵下有冇咩好味既野食～
因為我地住個到比較清淨，所以行左幾日都好似冇咩收穫！
今日決定行遠小小，真係俾我地搵到新野！
呢間外面平平無奇，但入面坐滿曬人，原來係一間平價食Pizza既地方，今日就食呢間啦！
舖位細細，但款式真係幾多既。基本上都係個D，雞翼，Pizza，焗飯，焗意粉，沙津等等。
－夏威夷（細批）－呢間好特別，細批呢個呎吋可以叫做心心款，
好靚，好特別！！
材料十足，Pizza包夠厚夠軟，食多幾舊都唔怕咬到牙軟！
－肉丸拼香草腸－每樣都有４件，份量岩岩好，
香草腸肉汁豐富，肉味都特別濃郁，
肉丸個味非常特別，有香草腸既肉味，但又唔同既質感，推薦！
－葡汁雞皇焗飯－基本上間間食Pizza都會有呢個，不過好唔好味就好重要！
呢間係我食過咁多間最好味既，飯粒粒分明，
葡汁夠多，食完個飯都仲有汁，最怕乾曬個ｄ～
仲要材料夠多，面頭好多肉粒，紅蘿蔔等等材料，非常抵食！
最後叫多凍奶茶同凍檸茶就飽住肚肚返歸了～
Post
