Video
Read full review
2014-06-03
1888 views
唔知係咪旺區關係, 大部份餐廳都係限1.5-2小時, 雖然是晚並唔係星期五或者假期前夕, 真係唔明白點解仲要限食, 你話人多咁樣做係好正常, 亦都好啱, 等人人都有機會食, 唔會比部份人霸住, 但果晚都唔算多人, 所以唯有等齊人先入去................我同個朋友第一次去都, 諗住入去坐住等, 但門口個亞姐話限時2小時, 咁我地唯有唔入去住, 諗住叫佢比張飛我地當等位啦~ 佢竟然用唔太禮貌的語氣同我地講, 仲有位我地係唔會比飛架噃~ OK冇問題, 咁我地咪企响門口等lor~ 終於等到人齊入去, 雖然都等咗差不多十分鐘, 但中途係冇人入去, 所以都唔駛急~我地張枱係中間果d圓枱, 其實都夠坐6個人, 好似隔離枱咁, 就係因為咁, 本身呢張枱d櫈比人拎哂過隔離枱, 有d係坐, 有d係放袋, 只係淨返啱啱好3張櫈比我地, 我地仲係度話有冇櫈放袋, 但d亞姐都冇理我地........ 算~ 我地諗食乜, 當朋友諗食乜時, 我發現佢有個大黑板, 畫咗好多公仔, 又解釋咗佢地個"336"即係上海話的"謝謝儂", 真係夠意思, 而佢呢度d裝修唔似一般上海鋪咁古式, 係比較新潮d, 啱哂
我同個朋友第一次去都, 諗住入去坐住等, 但門口個亞姐話限時2小時, 咁我地唯有唔入去住, 諗住叫佢比張飛我地當等位啦~ 佢竟然用唔太禮貌的語氣同我地講, 仲有位我地係唔會比飛架噃~ OK冇問題, 咁我地咪企响門口等lor~ 終於等到人齊入去, 雖然都等咗差不多十分鐘, 但中途係冇人入去, 所以都唔駛急~
我地張枱係中間果d圓枱, 其實都夠坐6個人, 好似隔離枱咁, 就係因為咁, 本身呢張枱d櫈比人拎哂過隔離枱, 有d係坐, 有d係放袋, 只係淨返啱啱好3張櫈比我地, 我地仲係度話有冇櫈放袋, 但d亞姐都冇理我地........
算~ 我地諗食乜, 當朋友諗食乜時, 我發現佢有個大黑板, 畫咗好多公仔, 又解釋咗佢地個"336"即係上海話的"謝謝儂", 真係夠意思, 而佢呢度d裝修唔似一般上海鋪咁古式, 係比較新潮d, 啱哂我地呢d後生女~
四小拼
脆鱔 : 真係好脆, 脆到唔講你都唔知係其實係鱔, 似脆麻花, 又有少少甜甜地, 唔錯小排骨 : 唔會太鞋, 細細粒, 肥瘦適中
烤麩 : 我麻麻地like呢個, 因為佢個樣好似洗面果d海錦咁
肴肉 : 唔會太硬或者太散, 啱啱好, 但我覺得如果凍d會好食d
魚籽煙燻蛋
其實同溏心蛋差不多, 只係面頭加多少少魚籽, 朋友極力推薦, 但我覺得一般, 因為唔覺有煙燻味336上海小籠包
一上枱已經覺得佢唔多掂, 個皮又厚, 食落又唔覺佢中間多湯白肉丸子
開頭睇menu, 仲以為係放大版的醬爆肉丸, 但原來係放大版兼未炸的鹹水角, 個皮係超厚的糯米皮, d餡完全係鹹水角果d, 雖然個丸子唔多掂, 但個湯都ok, 我仲飲到有少少參味, 而且幾清甜, 但我d朋友話飲唔到有參味wor~ 雲吞湯拉麵
有4粒正常size的雲吞, d餡都幾新鮮幾爽口, d拉麵仲正, 好爽口彈牙, 完全改變我對上海麵的又林又粉的感覺, 個湯似雲吞雞湯, 好甜, 但唔似係味精湯香蕉高力豆沙
完全失敗, 一睇佢個樣都知唔夠鬆, 怪唔知得叫咗唔夠十分鐘就上枱, 都唔知係咪整定? 但佢又係熱辣辣wor~ 可能都係整定d蛋白, 一係佢就發的唔夠, 總之唔夠鬆, 中間d豆沙又少, 香蕉雖然都少, 但都有香蕉味, 面頭d糖粉又得少少, 好差~雖然當時只係九點幾, 唔知係咪就嚟收工, d伙計唔知去哂邊? 想叫埋單, 都等咗差不多五分鐘先有人, 可能另一邊多人要招乎掛? 因為呢邊d人的菜已經上齊, 個個都响度吹水, 所以冷落咗呢邊, 其實由頭到尾都冇乜伙計招呼, 食完d嘢又冇人收碟, 其他枱走哂又係成都嘢都冇人執...............
Post
