Video
Read full review
2021-01-29
48 views
最近工作太忙，晚餐大多數都係以外賣🥡解決，呢日收工之後突然想轉換下口味食清淡少少，突然醒起好耐之前同事曾經推介過公司附近一間走養生路線既食店💁🏻♀️，話佢地既主食創新之餘仲少油少汁，平時午市有得加配秋葵、蕃薯🍠 (而家好似已經無得加配😣) 呢類比較罕見既食物，岩晒注重健康飲食既我😌.食店位於修頓球場⚽️對面既軒尼詩道，當日係門口見到外賣自取🥡會有9折，Menu上面主食同湯水各有八款，認真睇落先發現其中六款主食配既都係椰香飯，加埋店內外粉紅色既點綴，完全係貫徹左店名既「椰🥥」、「粉🎀」同「湯🥣」，至於「紅🔴」係代表左d咩我就折解唔到啦🤣******************************🥢首創竹絲海南雞椰香飯套餐🐔 ($108)叫得做首創，呢個套餐既海南雞係用竹絲雞所炮製，可以話係前所未見😳竹絲雞🐔既肉質比起平日食開既正常版本較為結實，但就同樣嫩滑，更優勝既係佢既雞皮比較薄🤏🏻，無咁肥膩🤗值得一讚既係食店調配既醬汁帶有幾分東南亞風味，雞件蘸點黎食🥢，味道非常惹味😋 不過雞件大約只有6件，男士們👦🏻就應該唔夠食😣至於個椰香飯既椰子味🥥清香，飯粒🍚亦明顯見到好多啡粒，估計係將椰肉打碎左
最近工作太忙，晚餐大多數都係以外賣🥡解決，呢日收工之後突然想轉換下口味食清淡少少，突然醒起好耐之前同事曾經推介過公司附近一間走養生路線既食店💁🏻♀️，話佢地既主食創新之餘仲少油少汁，平時午市有得加配秋葵、蕃薯🍠 (而家好似已經無得加配😣) 呢類比較罕見既食物，岩晒注重健康飲食既我😌.
食店位於修頓球場⚽️對面既軒尼詩道，當日係門口見到外賣自取🥡會有9折，Menu上面主食同湯水各有八款，認真睇落先發現其中六款主食配既都係椰香飯，加埋店內外粉紅色既點綴，完全係貫徹左店名既「椰🥥」、「粉🎀」同「湯🥣」，至於「紅🔴」係代表左d咩我就折解唔到啦🤣
******************************
🥢首創竹絲海南雞椰香飯套餐🐔 ($108)
叫得做首創，呢個套餐既海南雞係用竹絲雞所炮製，可以話係前所未見😳
竹絲雞🐔既肉質比起平日食開既正常版本較為結實，但就同樣嫩滑，更優勝既係佢既雞皮比較薄🤏🏻，無咁肥膩🤗
值得一讚既係食店調配既醬汁帶有幾分東南亞風味，雞件蘸點黎食🥢，味道非常惹味😋 不過雞件大約只有6件，男士們👦🏻就應該唔夠食😣
至於個椰香飯既椰子味🥥清香，飯粒🍚亦明顯見到好多啡粒，估計係將椰肉打碎左再加入白飯度煮🧐
套餐包左一份時菜🥬同食店自創既食療拿杯湯🥣，當日跟既係較為少係街上食到既菜心苗；而食療拿杯湯其實係呢度既食療湯水係以紙杯盛載，方便繁忙既都市人唔一定要坐低先飲到，可以當成飲品咁拎住黎慢飲，個人都幾欣賞呢個概念👍🏻
-
✨ 食療拿杯湯🥣 (跟餐) (單點 $28)
食療拿杯湯每星期都會轉換款式，當日飲既係香芋南瓜眉豆海底椰湯，味道清甜飲得出係冇落味精，感覺比連鎖店賣既更為健康💪🏻；加上多種有營食材加埋一齊有預防骨質疏鬆🦴同糖尿病、降血糖🩸同利水滲濕健脾💧等多種功效，對於平時比較少飲湯水既朋友就最適合不過🤗
-
✨精選和牛椰香蛋包飯🐮🍳 ($68)
蛋包飯🍳平時就食得多，唔知加椰汁🥥黎食大家又試過未？🤣
呢度既蛋包飯附有一兜椰汁，客人可以因應個人口味加落滑蛋上面；雖然蛋包飯並非日式個種，勝在雞蛋夠嫩滑，落左椰汁之後食落既有蛋香亦有椰香，味道頗有層次，而且份量亦都幾大份🤔
和牛粒🐮入口鮮嫩多汁，帶有幾分油脂，感覺有d似台灣香腸，食完一舊會令人回味想再食多舊🙈
呢客蛋包飯另外仲有南瓜🎃、車厘茄🍅同粟米🌽三色蔬菜，色彩豐富之餘亦含有多種營養，絕對係結合左美味同健康既主食😌
******************************👧🏻人均消費：$90 (折前價格)
😋味道指數：3.8/5
💰抵食指數：3/5
🪑環境指數：3/5
💁🏻♀️服務指數：3.5/5
👍🏻再訪指數：3.8/5
-
📍椰粉湯紅
地址：灣仔軒尼詩道61號四寶大廈地下
⏰營業時間：08:00–20:45(Mon–Sat)；
🅞🅕🅕 (Sun)
Post
