富臨薈 (Closed)

適逢週末，就帶埋屋企人黎呢間新派中菜館飲下茶。最近就主打川菜系列，難得唔洗返大陸就食到，當然第一時間叫份酸菜魚啦！一定要辣先食得過癮上碟大大份，好多魚肉，仲有水晶粉，幾個人食百幾蚊都幾抵！見到旁邊既人每枱都有碟乳鴿，就心思思睇下點心紙，原來$30隻，平日去沙田其他地方食都要$50-60，咁抵即刻每人叫返隻😂😂😂都幾香口，正正！之後仲點左d特色點心，值得推介係洛神紅米腸，脆脆地幾好食叫到成枱都係，都係百幾蚊，晚餐黎講算幾抵食！