簡品堂

Open Now

Now Closed

相信大家對呢間連鎖餅店都唔陌生，瘋狂喺社交平台洗版，主打立體造型蛋糕、曲奇、西餅、手工蛋卷、麻糬波波等，五顏六色，未食已經流晒口水，今日咁啱經過，人少少決定一次過試晒佢！呢度最出名嘅一定係曲奇，超多款口味同形狀，從最經典嘅牛油、朱古力、咖啡、芝士到比較特別嘅烏龍茶腰果、薑味杏仁、開心果南瓜籽都有，又香又脆，最緊要唔算好甜，送俾人啱晒。最近新推帝王蛋捲，一盒盒買，阿華田、伯爵茶、宇治抹茶等口味，要咗咖啡，散發著淡淡香氣，蛋捲咬落酥脆可口，越食越過癮，忍唔住一啖接一啖，配埋香濃咖啡自製下午茶🫖糯米糍都有幾款口味，新出嘅有開心果同榛子脆脆，個皮超級軟熟，餡料飽滿，甜度適中，帶點咬口、隕石髒髒包沾上滿滿嘅cream，朱古力同oreo脆脆，入邊係吉士醬，邪惡又好味😋另外一款招牌係近期好hit嘅麻糬波波！麻糬QQ球表面有開心果碎碎同醬，口感Q軟，完全唔甜，而怪獸波波係紫菜肉鬆口味，甜鹹交替，混合拉絲芝士同麻糬，值得一試。除咗新派嘅麵包之外，呢度都有好多經典之作，咖啡瑞士卷香氣四溢、斑斕海綿蛋糕入口鬆軟、朱古力排包帶淡淡香氣、提子麥包又大又軟身、芝士粟米吐司比較少見，鹹鹹香香老少咸宜～