大吃大喝 (Moved) New Location

放假總會特別餓，食完午餐都總係忍唔住再食下午茶，今次就去左油麻地大吃大喝食厚切三文治🥪本身係為左芋泥肉鬆三文治到訪，點個去到見到其他客人order嘅勁莞茜炒蛋三文治好似好正咁，就叫件嚟試一試啦！本身對外賣三文治都係停留喺茶餐廳式包裝，即係用個雞蛋仔袋住，焗到濕𣲷𣲷咁款，但呢間卻非常企理，用盒裝住外重有紙包住，張紙包實哂件三文治，食得好企理唔會跌餡！🥪勁莞茜炒蛋三文治 $35.00食落件三文治包包好鬆軟，厚切食落好飽肚，午餐肉厚厚一片，最勁係茜炒蛋都咁厚！炒蛋嫩滑好重茜，份量大滿足🈵唔係莞茜鐵粉嘅我都接受到陣味，味道都令人好驚喜🥞士林台式香酥蛋餅 $35.00·拉絲芝士，火腿，肉鬆蛋餅餡料十足，肉鬆同芝士非常飽滿，食得太慢嘅我搞到芝士拉唔到絲🥲蛋餅外皮煙韌有勁!🍠炸紫蕃薯餅 $10.00紫薯餅炸到脆卜卜，內餡微甜勁有蕃薯味，最利害炸物都乾身，無滴哂油咁🥤薏米水唔甜啱哂養生中女，即係我🧋奶茶真係好出色，茶味香濃而且屬少甜，非常滑身，行過一定要買嚟試！外賣店嚟講食物質素好高，同埋後生仔打理，明白市場新走勢，包裝以客人企理為主，非常細心💓值得再去！