Video
Read full review
2024-04-20
335 views
💪🏻 即燒伊比利亞叉燒皇 ($248)叉燒賣相好吸引，燒得好靚，蜜汁沾滿成舊叉燒。食落肉質軟淋🤤 有微微焦香，亦都好香甜！💪🏻 糯米炒膏蟹 ($568)糯米炒膏蟹係全煲上枱，上枱個時仲係熱辣辣，咋咋聲😂 膏蟹非常多蟹膏！而蟹膏係炒到固體狀，唔係半液體狀態。而且蟹肉亦都夠多，唔會炒得老柴！生炒糯米飯亦都炒得滿滿飯焦，夠香口。💪🏻 原條燒牛肋條 ($388)燒牛肋條嘅份量都好大，好啱一大班人聚餐！牛肋條肥瘦均勻，食落啲肥膏位唔會好難咬，肉質同樣軟淋，亦都好香牛油香😋 💪🏻 金湯海皇豆腐 ($138）金湯豆腐煲係用咗咸蛋黃去整，好香濃咸黃醬汁，亦都有「金沙」嘅一粒粒口感，配埋滑豆腐送飯一流！最後仲有甜品牛乳奶凍，牛奶味好濃。味道：8/10性價比：5.5/10 食住瘦指數：💪🏻💪🏻💪🏻/5 （較多海鮮選擇）
💪🏻 即燒伊比利亞叉燒皇 ($248)
叉燒賣相好吸引，燒得好靚，蜜汁沾滿成舊叉燒。食落肉質軟淋🤤 有微微焦香，亦都好香甜！
💪🏻 糯米炒膏蟹 ($568)
糯米炒膏蟹係全煲上枱，上枱個時仲係熱辣辣，咋咋聲😂 膏蟹非常多蟹膏！而蟹膏係炒到固體狀，唔係半液體狀態。而且蟹肉亦都夠多，唔會炒得老柴！生炒糯米飯亦都炒得滿滿飯焦，夠香口。
💪🏻 原條燒牛肋條 ($388)
燒牛肋條嘅份量都好大，好啱一大班人聚餐！牛肋條肥瘦均勻，食落啲肥膏位唔會好難咬，肉質同樣軟淋，亦都好香牛油香😋
💪🏻 金湯海皇豆腐 ($138）
金湯豆腐煲係用咗咸蛋黃去整，好香濃咸黃醬汁，亦都有「金沙」嘅一粒粒口感，配埋滑豆腐送飯一流！
最後仲有甜品牛乳奶凍，牛奶味好濃。
味道：8/10
性價比：5.5/10
食住瘦指數：💪🏻💪🏻💪🏻/5 （較多海鮮選擇）
Post
