慈素小聚

Open Now

Now Closed

最近愈開愈多特色素食餐廳，從傳統嘅齋雞、素鴨、甜酸菜，到成行成市嘅素食自助餐，而家嘅素菜已經多咗好多唔同嘅變奏🎶平時有食素嘅我同媽咪都想試下新嘢，於是去咗尖沙咀新開不久的慈素小聚食個lunch。餐廳裝潢典雅，以湖水藍色為主調，感覺很舒服。呢度嘅素fusion菜式包羅萬有，有日式🏮、意式🍝、中式🇨🇳等，令人期待會碰撞出甚麼樣的火花。京都片尾鴨 （$128）以炸大豆纖維製成嘅片皮鴨香脆可口，沾上醬汁及蔬菜包起食用，味道確實以假亂真！香芒天婦羅炸豆腐（$88）呢道菜係我同媽咪最鍾意嘅！天婦羅炸粉薄，食落酥脆可口，而神來之筆當然係香芒汁🥭鹹甜味竟有如此完美嘅配合，實在令人意想不到😍珍貴苜蓿芽手卷 （$38/件）手卷用上營養豐富嘅苜蓿芽同牛油果，食落非常清新開胃，而最令我哋驚喜嘅就係喬裝成三文魚嘅蒟蒻！口感厚實，真係幾似三文魚😍意大利香草忌廉天使麵（含奶）（$118）香草忌廉味道濃郁，配上蘑菇，令人吃個不停。而炸得酥脆嘅素豬肉亦滋味無窮。琵琶豆腐（$88）與一般食開嘅琵琶豆腐相比份量較少，但勝在夠脆夠惹味。