大鑊 (Closed)

趁六點冇堂食時，去了剛在銅鑼灣新開的新派米線麵店🍜， 位置是在希雲街頭，十分當眼， 鋪面裝修充滿型格，火紅牆身，旁邊更有open window 窗口開放式座位，驟眼睇仲以為是西式餐廳及酒吧，入到裹面原來是以新派麵食為主，食物帶點台式口味。36小時熬花膠大筒骨湯🍲店家推介： 湯底用了36小時花膠大筒骨熬製，湯底濃郁，味道清甜，材料真材實料，包括（魚腐、美顏腐竹、松葉蟹棒、魚片頭、蘿蔔）松葉蟹棒有手掌般大，味道鮮甜，用鑊仔盛載配上米線，是不錯配搭除此之外，可以選擇不同配料，多至三十幾種如特別推介秘製酸菜、大鑊炸醬、麻辣腩肉卷🫔、雪花雞絲及松葉蟹棒等，好似車仔麵一樣自由配搭湯底除了花膠之外，亦有一百斤番茄濃湯、老壇陳釀酸菜湯、辣而不燥麻辣湯，湯底可楝選辣度由BB辣去到勁辣麻辣鴨腎麻辣香而惹味，以小食來說份量亦多熱芒果綠茶跟餐只加$13 ， 在冬天有杯熱飲，的確不錯