Video
Read full review
2023-02-16
78 views
➤ 岩鹽咸豬肉拼皮蛋醬生菜包配蒸刈包 ($108 +$10轉set)豬腩片預先已經放喺岩鹽板上面香煎過，再連原塊鹽板上菜，入口帶淡淡鹹味，食到肉嘅原汁原味，鹽層仲可以吸收肉入面多餘嘅脂肪，食落唔會成口油。用香軟嘅刈包夾住腩片、加埋店家特調帶蒜香嘅皮蛋醬，再配上清新解釋嘅生菜，成個配搭創新得嚟又幾惹味，自己夾吓夾吓咁幾好玩😛 而且味道相當有驚喜，連我呢個平時唔好皮蛋嘅人都忍唔住係咁食個皮蛋醬😝➤ 避風塘風沙排骨酥 配 椰菜絲沙律及魯肉飯 ($118 +$10轉set)排骨炸得相當酥脆，調味鹹鹹香香好惹味，配埋炸蒜一齊食好有避風塘風味😎 而且份量相當充足，夠晒送飯，旁邊仲配咗椰菜絲沙律解膩解熱氣😆 另外魯肉飯都值得一讚，滷肉肥瘦比例適中，入口有少少微黏口嘅感覺，幾正宗！即刻令人回味台灣程味珍個世一魯肉飯🥲🥲 另外兩個餐都加左$10轉set，有兩小碟前菜、一客小甜品同埋一碟杞子/魯肉青菜，前菜個糖漬苦瓜好特別，又甜又苦，百味交雜，有如人生一樣。➤ 乳酪芝芝六重天綜合奶茶 ($34)鐘意配料多過奶茶嘅你嗌呢杯就啱晒，面層灑上胚芽，數住落有乳酪芝士奶蓋、黑糖珍珠、芋圓、芋泥，足料豐富到十足一個
豬腩片預先已經放喺岩鹽板上面香煎過，再連原塊鹽板上菜，入口帶淡淡鹹味，食到肉嘅原汁原味，鹽層仲可以吸收肉入面多餘嘅脂肪，食落唔會成口油。用香軟嘅刈包夾住腩片、加埋店家特調帶蒜香嘅皮蛋醬，再配上清新解釋嘅生菜，成個配搭創新得嚟又幾惹味，自己夾吓夾吓咁幾好玩😛 而且味道相當有驚喜，連我呢個平時唔好皮蛋嘅人都忍唔住係咁食個皮蛋醬😝
➤ 避風塘風沙排骨酥 配 椰菜絲沙律及魯肉飯 ($118 +$10轉set)
排骨炸得相當酥脆，調味鹹鹹香香好惹味，配埋炸蒜一齊食好有避風塘風味😎 而且份量相當充足，夠晒送飯，旁邊仲配咗椰菜絲沙律解膩解熱氣😆 另外魯肉飯都值得一讚，滷肉肥瘦比例適中，入口有少少微黏口嘅感覺，幾正宗！即刻令人回味台灣程味珍個世一魯肉飯🥲🥲
另外兩個餐都加左$10轉set，有兩小碟前菜、一客小甜品同埋一碟杞子/魯肉青菜，前菜個糖漬苦瓜好特別，又甜又苦，百味交雜，有如人生一樣。
➤ 乳酪芝芝六重天綜合奶茶 ($34)
鐘意配料多過奶茶嘅你嗌呢杯就啱晒，面層灑上胚芽，數住落有乳酪芝士奶蓋、黑糖珍珠、芋圓、芋泥，足料豐富到十足一個甜品咁，大滿足(⁎⁍̴̛ᴗ⁍̴̛⁎)
➤ 乳酪芝芝鮮芒 ($38)
以乳酪製成奶蓋，配埋用新鮮芒果打成嘅base，加埋豆花配料，成個配搭都算幾健康，飲肥仔水嘅罪疚感冇咁大😆
Post
