九份•十分 (Closed)

彩園商場的裝修終於差不多完成。商場內的食肆都有所轉變。九份十分走新派台灣菜路線，在上水較少有，所以都有頗多捧場客。五香牛展 牛展滷得夠入味，不過牛展略為切得太薄，有欠嚼勁。宜蘭蝦頭油粉絲蝦煲 $88蝦煲即叫即整，熱辣辣上枱。飽滿的蝦鋪滿煲面。調味不會太咸，銀芽和粉絲吸收晒鮮蝦的鮮味，令粉絲更美味，配埋一碗白飯，十分完美。蚵仔肉碎泡飯 $58份量十足，一大碗泡飯食完超飽肚。蚵仔肉味道新鮮，夠飽滿。蜆肉甜道鮮甜。泡飯吸收蚵仔、蜆肉和豬肉的鮮味甜味，味道豐富。