Video
Read full review
2019-01-18
286 views
最近得知鳳城酒家飲食集團開左一間新派順德菜酒家，除左一罐既傳統順德菜之外，仲加入左年輕元素，推出一系列可愛點心，企圖吸引更多年輕人，作為其中之一既我都佢既點心吸引左😆😆佢令我改變左對酒家既傳統看法，於是今日約埋一班朋友黎呢度聚聚，一嚐呢間比我滿滿新鮮感既新派順德酒家😁 菜單上既菜式選擇十分多，除左一般既順德菜，仲有好多特色點心同甜品，令我選擇困難症又發作，每款都好想試，既然我地禁多人食，就梗係盡情嗌啦！😚 呢個骨真係好出色，外脆內軟，肥瘦均勻，咬落去肉汁豐滿，而且好彈牙👍🏻肉既比例都好多，唔會食少少就得返條骨🙂味道偏甜，唔鐘意甜既唔建議嗌，不過整體味道十分好🤤一般坊間嘅多士都偏硬，要用力咬，或放置太耐變得唔脆口，但呢度既多士則非常鬆脆易咬👍🏻👍🏻，蝦肉大大舊，而且好彈牙，兩者配合一齊食真係好好味！😋個人本身唔係太食得辣，呢個對我黎講有小小辣。一般嘅水煮牛肉都偏油膩，但係呢個唔會👍🏻安格斯牛既軟熟度控制得恰到好處，上枱時半生熟，入口好軟稔又夠嫩滑，食落唔會太重脂肪或者韌，好味👍🏻自己係出面飲過好多嘅椰子燉雞湯，不過大多數椰子味都好薄弱，但個人比較着重椰子嘅香味😕好驚喜既係，呢
菜單上既菜式選擇十分多，除左一般既順德菜，仲有好多特色點心同甜品，令我選擇困難症又發作，每款都好想試，既然我地禁多人食，就梗係盡情嗌啦！😚
考古欖角骨
$76
31 views
0 likes
0 comments
呢個骨真係好出色，外脆內軟，肥瘦均勻，咬落去肉汁豐滿，而且好彈牙👍🏻肉既比例都好多，唔會食少少就得返條骨🙂味道偏甜，唔鐘意甜既唔建議嗌，不過整體味道十分好🤤
1954蝦多士
43 views
0 likes
0 comments
一般坊間嘅多士都偏硬，要用力咬，或放置太耐變得唔脆口，但呢度既多士則非常鬆脆易咬👍🏻👍🏻，蝦肉大大舊，而且好彈牙，兩者配合一齊食真係好好味！😋
水煮安格斯
$148
20 views
0 likes
0 comments
個人本身唔係太食得辣，呢個對我黎講有小小辣。一般嘅水煮牛肉都偏油膩，但係呢個唔會👍🏻安格斯牛既軟熟度控制得恰到好處，上枱時半生熟，入口好軟稔又夠嫩滑，食落唔會太重脂肪或者韌，好味👍🏻
椰子燉雞湯
$58
19 views
0 likes
0 comments
自己係出面飲過好多嘅椰子燉雞湯，不過大多數椰子味都好薄弱，但個人比較着重椰子嘅香味😕好驚喜既係，呢個湯既椰子味好濃郁，每一啖都明顯飲到濃濃既椰子味，湯底清甜，表面無雞油浮現，出色👍🏻
金皮炸子雞
$248
40 views
0 likes
0 comments
聽講鳳城炸子雞好出名，的確炸子雞色澤好靚，皮脆肉嫩，雞肉好滑唔會乾身，但係個人認為欠缺一點點香口，可以放一些炸蒜提升味道，食起黎就無禁單調。
食完傳統菜，當然要嗌打卡一流既新潮點心啦！
28 views
0 likes
0 comments
溶岩流沙包
$42
25 views
0 likes
0 comments
流沙包有兩款，黃色係奶黃，而綠色係抹茶。流沙效果出眾，稍稍分開已經洶湧而出，不過略嫌過稀，奶黃味唔算好濃，結返少少口感會更好😆反而抹茶味有驚喜！第一次係酒樓食到抹茶味既流沙包，迎合潮流👍🏻🤣抹茶味好出，味道一啲都唔假，甜度剛好，食到尾會有少少回甘既感覺，好好味🤤🤤！
蛋白杏仁茶
$32
33 views
0 likes
0 comments
杏仁味出奇地濃！！口感十分細滑，杏仁味道愈食愈濃，食落唔會好甜，係好健康既甜品😆鐘意食杏仁既唔可以錯過！
原本以為西米布甸只係好普通嘅嘢，所以都冇太大嘅期望，點知好有驚喜！布甸甜度剛好，好重椰汁味💕口感紮實黏黏的，入口綿密，每一啖都食到大量西米粒，口感好豐富👍🏻十分推薦！
榴連糯米茲
$36
38 views
0 likes
0 comments
首先不得不讚呢個擺設好有心思好靚！個人並非榴槤愛好者，但係見到佢皮好薄，榴槤餡佔3分2😱，相距5個座位都聞到個陣榴槤味，鐘意榴槤既人一定要嗌！
紫薯流奶球
$36
12 views
0 likes
0 comments
呢個嘅流沙效果同樣好澎湃，用筷子夾開隨即流晒出黎，味道同流沙包相近，外脆內軟，皮軟糯得黎帶少許煙韌，成粒一齊食的話紫薯味會比奶黃搶左，不過樣貌又係一流😍👍🏻
呢餐飯食得好滿意😚食完之後會有種印象深刻既感覺，估唔到新派菜既味道都能夠做得禁好，好值得黎試下😆😆
Post
