鐵魚川式食堂 (Closed)

閒時都鍾意食下川菜，因為都幾醒神開胃。上星期去到銅鑼灣京都廣場覓食，發現有間新開業“鐵魚川式食堂”，我同幾個friend就上去試一下.甫入店內，裝潢不花但富有特色，睇下menu,佢地有多款主打烤魚供選擇，我地就order左阿來冬蔭烤魚，而魚亦可以自行選擇，包括有沙巴龍躉，福壽魚，江團魚，而我地就揀左沙巴龍躉。阿來冬蔭烤沙巴龍躉，我都係第一次食到，唔會太辣，可以接受，且越食越開胃，而龍躉則相當新鲜，魚肉鮮甜，再配以冬蔭做法，相當match,確實唔錯。“鐵魚”嘅川式烤魚相當有特色，味道亦可以，值得介紹俾大家一試。