十二味 (青衣城2)

Open Now

Now Closed

川菜一向俾人嘅印象就係辣🔥🔥🔥，但今晚嚟到青衣城二期新開嘅十二味食川菜，就打破咗呢個講法。新裝修嘅餐廳入面環境寬敞，不過因為疫情，而家晚市只有外賣供應。而家外賣自取仲有九折。佢地當然有辣嘅菜式，但唔食得辣嘅都有好多選擇。今晚喺度叫咗個晚市套餐外賣，我揀咗三款都係唔辣嘅菜式。呢度全部即叫即炒，所以要等一陣。外賣攞到返屋企仲係熱辣辣，香噴噴。晚市套餐就揀咗唔辣嘅川香回鍋肉，套餐配埋白飯同小食，我就揀咗蒜泥青瓜。川香回鍋肉份量好多好抵食。回鍋肉雖然唔辣，但係仍然炒得香口惹味。蒜香青瓜清爽得嚟又有滿滿嘅蒜香。另外再叫咗清炒萵筍絲，冇諗過萵筍都可以炒得咁有鑊氣，萵筍都夠爽口。蔥油拌麵感覺就比較油少少，唔算好乾身，但唔會黐住夾唔到，蔥油味都幾香。