Video
Read full review
2023-06-13
439 views
嚟開厚福街搵食，呢頭咁多食肆，決定去呢間新開嘅點心店嘆個夜茶🫖！店舖裝修有種中西合璧嘅感覺，燈光偏昏暗幾有格調，用嘅係比較西式嘅枱凳，幾闊落坐得舒服！小店主打手工點心同埋上海小食，全部都係自家製作，都整得好靚，唔係平時飲茶嗰啲老土款式，配搭比較有新鮮感，重要勁Igable📸！點心即叫即蒸，上枱全部都熱辣辣，擺盆仲要好精美🤩，所以都要等下呢～而家新開張仲有優惠🈹，午市有九折免加一；晚市仲有八折，平時仲有午市同下午茶套餐，更加抵食！今晚兩個人食飽飽，仲要係即叫即整嘅高質點心，人均都唔使200！呢啲新舊合璧嘅菜式，平時同朋友或者長輩去都好適合！------------------------------💕◖米網鴛鴦腸◗ $48呢款係紅米腸，裏面包裹住香脆嘅米網，啖啖蝦肉，裏面嘅香芹提升咗成道菜嘅香味，更加帶出蟹肉嘅鮮味，香口得嚟頗有層次感！但係伴碟嘅豉油偏鹹，覺得唔點原汁原味會好食啲～🧄◖黑蒜燒賣◗ $68鴛鴦兩色嘅燒賣，一黑一白咁，好趣緻！每粒燒賣上面都有一片帶子，再加上啲蟹籽，有口感之餘又帶啲鮮味！餡料就用咗豬肉同蝦肉，口感紮實肉味香濃，唔會為咗香口而家入太多肥肉，用料一啲都唔馬虎！🦐◖
而家新開張仲有優惠🈹，午市有九折免加一；晚市仲有八折，平時仲有午市同下午茶套餐，更加抵食！今晚兩個人食飽飽，仲要係即叫即整嘅高質點心，人均都唔使200！呢啲新舊合璧嘅菜式，平時同朋友或者長輩去都好適合！
------------------------------
💕◖米網鴛鴦腸◗ $48
呢款係紅米腸，裏面包裹住香脆嘅米網，啖啖蝦肉，裏面嘅香芹提升咗成道菜嘅香味，更加帶出蟹肉嘅鮮味，香口得嚟頗有層次感！但係伴碟嘅豉油偏鹹，覺得唔點原汁原味會好食啲～
🧄◖黑蒜燒賣◗ $68
鴛鴦兩色嘅燒賣，一黑一白咁，好趣緻！每粒燒賣上面都有一片帶子，再加上啲蟹籽，有口感之餘又帶啲鮮味！餡料就用咗豬肉同蝦肉，口感紮實肉味香濃，唔會為咗香口而家入太多肥肉，用料一啲都唔馬虎！
🦐◖彩虹蝦餃◗ $68
蝦餃細細粒，但裏面都幾足料，包住三大粒蝦仁，都啖啖肉，好鮮甜！外皮紅紅綠綠咁，好似一條金魚咁，口感就相對冇咁煙韌～
🐂◖火焰黑椒牛肉生煎包◗ $38
每件生煎包都有個鑄鐵鑊仔裝住，煎過嘅外皮做到外脆，而裏面保持濕潤鬆軟，真係比較少見！生煎包細細件，裏面包着黑椒牛肉，牛味濃郁，加上佢嘅香葱一齊食，更加香口，仲一啲都唔油膩！
💕◖黑金流沙包◗ $22
黑金外皮油上一層金箔面，好靚！自家製嘅流沙包包體頗有韌勁，外皮唔會太厚，食落一啲都唔乾，餡料甜度味道都啱啱好，唯獨是做唔到流沙嘅效果，係比較出色嘅奶皇包～😆衝住佢嘅黑金外皮，個人覺得都值得一試～
🐖◖豚肉叉燒包◗ $36
呢度點心就正正常常，裏面嘅叉燒餡偏瘦，整體同出面嘅叉燒包差唔多～
🥕◖蘿蔔絲酥◗ $58
蘿蔔絲酥擺盤好出色，整到成條蘿蔔咁，仲要放咗啲可可穀物片鋪底當係蘿蔔嘅泥，好有心思造型加分！佢嘅酥皮做得好出色，一咬就鬆化開，裏面係滿滿嘅蘿蔔絲，好多汁，但就略嫌裏面蘿蔔嘅味道偏鹹咗少少～
🌶️◖XO醬香煎蘿蔔糕◗ $48
佢嘅XO醬值得一讚，辣度啱啱好，有一絲絲乾瑤柱同蝦乾嘅口感，有少少辣，鹹香味十足，但又食得出臘味蘿蔔糕嘅味道，幾種香味相輔相成，好惹味！
💕◖金沙芝麻卷◗ $38
一上枱真係話「嘩」咗一聲，黑蚊蚊嘅芝麻卷上面塗上金粉，黑金嘅配色影相真係好靚！識落味道都唔普通，芝麻味濃郁，好有回彈力，甜度啱啱好，推薦！
🌟 Encore指數：8.9/10
Post
