Video
Read full review
2023-02-13
29 views
朋友本身好鍾意食燒肉，趁生日就同佢去咗一間新開嘅高級韓式烤肉店食birthday dinner，聽朋友介紹佢哋嘅肉非常高質，餐廳環境亦好高級。餐廳環境係紅黑色暗黑金屬風格，令人有置身bar嘅感覺。-JJJ野菜沙律有雜錦沙律菜、青瓜片同埋炸蓮藕片，識落好清新開胃，建議可以配埋燒肉一齊食🥗-生牛肉他他呢款牛肉他他係用門封牛柳條製成嘅，店員會喺你面前刨上巴馬芝士，再將生雞蛋放上牛肉他他，再將佢哋攪勻。他他入口一啲都唔腥，食落有巴馬芝士嘅濃郁香味，生雞蛋令他他食落更加軟滑，非常推薦👍🏻-JJJ Premium Butcher’s Cuts終於到咗重頭戲！Cut platter有四款唔同嘅牛肉部位，包括熟成肉眼、兩款精選 USDA Prime Cuts同埋醃制牛小排🐮店員好helpful 會幫手燒肉同介紹各款牛肉部位。我個人最鐘意熟成牛肉嘅口感，肉味濃郁好juicy🤤-JJJ牛肉飯豪華版韓式石鍋飯加入咗牛骨髓同牛肉粒，牛骨髓嘅油脂香味令炒飯味道昇華，非常惹味，啖啖油香，令人回味無窮😋-甜品我地叫咗花旗蔘雪糕同韓國米酒雪糕，我都係第一次食呢幾款口味嘅雪糕，點知十分有驚喜！兩款雪糕食落都好cream
-
JJJ野菜沙律
有雜錦沙律菜、青瓜片同埋炸蓮藕片，識落好清新開胃，建議可以配埋燒肉一齊食🥗
-
生牛肉他他
呢款牛肉他他係用門封牛柳條製成嘅，店員會喺你面前刨上巴馬芝士，再將生雞蛋放上牛肉他他，再將佢哋攪勻。他他入口一啲都唔腥，食落有巴馬芝士嘅濃郁香味，生雞蛋令他他食落更加軟滑，非常推薦👍🏻
-
JJJ Premium Butcher’s Cuts
終於到咗重頭戲！Cut platter有四款唔同嘅牛肉部位，包括熟成肉眼、兩款精選 USDA Prime Cuts同埋醃制牛小排🐮店員好helpful 會幫手燒肉同介紹各款牛肉部位。我個人最鐘意熟成牛肉嘅口感，肉味濃郁好juicy🤤
-
JJJ牛肉飯
豪華版韓式石鍋飯加入咗牛骨髓同牛肉粒，牛骨髓嘅油脂香味令炒飯味道昇華，非常惹味，啖啖油香，令人回味無窮😋
-
甜品我地叫咗花旗蔘雪糕同韓國米酒雪糕，我都係第一次食呢幾款口味嘅雪糕，點知十分有驚喜！兩款雪糕食落都好creamy味道剛剛好，我特別欣賞米酒味嘅雪糕，食落酒味剛剛好米味幾突出好refreshing🍨
-
我地仲叫咗兩款Cocktail，分別係Earlgrey同Watermelon。店員高度推介Earlgrey，果然係好適合女仔飲，飲落甜度剛剛好，又有伯爵茶嘅淡淡茶香，配埋燒肉一齊食可以減輕油膩感。Watermelon 甜度比較高，鍾意食西瓜嘅朋友應該幾啱。
Post
