小點角落

Open Now

Now Closed

最近發現新都會有間新餐廳，主打新派港式料理，從主食、小食、甜品到飲料應有盡有。款款賣相可愛迷人，適合打卡，整體價錢合理，座位闊落，地點方便，推介大家同朋友仔嚟聚餐。選擇困難症會推掃街小食全餐，有齊麥皮蝦芒果沙律脆筒、碗仔翅蒟蒻麵、特特大魚蛋、山椒鹹蛋黃雞翼、蝦頭油菜圃燒賣同新煎釀三寶。個人最鍾意燒賣魚蛋，醬汁惹味，口感彈牙～ 小食有瑞士雞翼，六大隻，夠入味，外皮唔厚，肉質算嫩、另外可加配主食，好鍾意呢度嘅麻婆芝士通心粉，沾滿醬汁，通心粉軟硬度適中、腸粉都幾滑，用籠仔裝起更加有feel！甜點選擇眾多，雪糕雞蛋仔102畫室全DIY，有原味、朱古力同麻糬，醬汁四選二，有朱古力、草莓、煉奶同海鹽焦糖，最後揀埋雪糕，有雲呢拿同海鹽焦糖，味道就正常發揮啦，不過勝在玩得又食得～ 中式糖水反而有驚喜，芒芒小丸子椰皇蛋白滿滿餡料，芒果香甜可口，小丸子增添咬口，配上嫩滑嘅椰皇蛋白都幾架。芝麻糊豆腐湯圓椰皇蛋白都唔錯，唔夠喉仲可以撩埋個椰子出嚟食添🤘最後以芒芒甘露沙冰同草莓鮮奶作結，滿足！