Video
Read full review
2023-06-04
847 views
星期日陪朋友帶主子去赤柱 Summer Market 放電，夜晚唔想煮飯，過咗嚟北角「四寶食堂」開餐。餐廳以 Tiffany Blue 為主調，復古線條設計，配以灰色間條牆身及啡木地板，裝潢清新又富現代感，打卡一流！我哋點咗 2 個養生燉湯套餐，另外再加咗碟菠蘿咕嚕肉。套餐包老火湯一盅及白飯一碗，+$28 更可享前菜一客及熱飲一杯。盅燉湯非常足料，內有木瓜、雪耳、紅棗、南北杏及瘦肉等，滋陰養顏兼潤燥，毋須添加鹽已經非常夠味。台式三杯干邑鮑魚雞煲 ($108)，雞煲料頭下得很足，雞件煮得好入味，入口帶陣陣干邑香氣。鮑魚 3 大隻，肉質有彈性，配埋啲洋蔥一齊食，濃香惹味。菜心苗炒石斑球 ($108) 斑球大大塊，肉質結實又鮮甜，菜心苗嫩綠爽口，加上清甜多汁嘅三色椒，色彩繽紛，令人食慾大增。藥膳雞腳 (+$28) 煮得好腍身，藥材味濃郁，做餐前小食就最適合不過。沖繩醬油煮牛筋 (+$28) 味道亦啱啱好，入味又不過鹹，爽滑有口感。拔絲山楂汁菠蘿咕嚕西班牙黑豚肉 ($108)，咕嚕肉用上黑豚豬梅肉炮製，入口外脆內嫩，山楂汁酸甜濃稠，帶拔絲效果，加上伴碟嘅菠蘿，送飯一流！ 天氣咁熱，凍飲當
星期日陪朋友帶主子去赤柱 Summer Market 放電，夜晚唔想煮飯，過咗嚟北角「四寶食堂」開餐。
餐廳以 Tiffany Blue 為主調，復古線條設計，配以灰色間條牆身及啡木地板，裝潢清新又富現代感，打卡一流！
我哋點咗 2 個養生燉湯套餐，另外再加咗碟菠蘿咕嚕肉。套餐包老火湯一盅及白飯一碗，+$28 更可享前菜一客及熱飲一杯。
盅燉湯非常足料，內有木瓜、雪耳、紅棗、南北杏及瘦肉等，滋陰養顏兼潤燥，毋須添加鹽已經非常夠味。
台式三杯干邑鮑魚雞煲 ($108)，雞煲料頭下得很足，雞件煮得好入味，入口帶陣陣干邑香氣。鮑魚 3 大隻，肉質有彈性，配埋啲洋蔥一齊食，濃香惹味。
菜心苗炒石斑球 ($108) 斑球大大塊，肉質結實又鮮甜，菜心苗嫩綠爽口，加上清甜多汁嘅三色椒，色彩繽紛，令人食慾大增。
藥膳雞腳 (+$28) 煮得好腍身，藥材味濃郁，做餐前小食就最適合不過。沖繩醬油煮牛筋 (+$28) 味道亦啱啱好，入味又不過鹹，爽滑有口感。
拔絲山楂汁菠蘿咕嚕西班牙黑豚肉 ($108)，咕嚕肉用上黑豚豬梅肉炮製，入口外脆內嫩，山楂汁酸甜濃稠，帶拔絲效果，加上伴碟嘅菠蘿，送飯一流！ 
天氣咁熱，凍飲當然唔少得，杯凍柚子蜜 (+$3) 好 fresh，冰涼解渴又潤喉。至於另一杯凍朱古力咖啡 (+$10) 味道亦甚佳，香甜有層次，消暑又提神。
Post
