Video
Read full review
2020-05-19
898 views
呢家長期喺港島戈邊，住又系港島區，番工又系港島區，不過架吾中都會過海食吓好西。大角咀呢個地方我平時基本上都吾會黎到，近排多左黎系因為同事推介我黎到呢度附近一間好正嘅雞煲店，不過今次想分享嘅唔係嗰間雞煲店，而係同區另外一間港式風味非常濃厚嘅餐廳，名為「港原味」。非常具有香港特色嘅圖畫，旺角嘅街景呈現喺眼前。長期喺灣仔番工，加上聽到有客人講話認得出下面嘅圖畫係灣仔莊士敦道，近修頓球場嘅電車路，成個畫面即刻出現喺腦海浮現。菜式嘅種類都算ok多啦，有幾款招牌菜，另外有健康、小炒、糖醋、椒鹽類。首先試咗款咖哩農夫包，比較少食店有農夫包呢樣食物，所以喺度有呢道菜都幾有特色，裡面嘅肉可以揀豬肉、牛肉或者雞肉，覺得咖哩同雞肉應該會比較match，所以就揀咗雞肉。首先講講啲咖喱雞肉，咖喱嘅味好濃郁，同埋唔會好辣，好適合想試咖哩但係又驚辣嘅朋友仔雞肉都好嫩滑。然後就係農夫包，農夫包香脆可口，連埋咖喱雞肉食係一個好新穎嘅組合。椒鹽鮮魷係好多大排檔或者茶餐廳都有嘅菜式，不過學人哋話齋，睇落越簡單嘅菜式越難做得好，而且我本身都鍾意食椒鹽鮮魷，所以就決定試吓。椒鹽鮮魷一黎到，已經覺得外型係同出面嗰啲唔一樣，睇落去
非常具有香港特色嘅圖畫，旺角嘅街景呈現喺眼前。
長期喺灣仔番工，加上聽到有客人講話認得出下面嘅圖畫係灣仔莊士敦道，近修頓球場嘅電車路，成個畫面即刻出現喺腦海浮現。
菜式嘅種類都算ok多啦，有幾款招牌菜，另外有健康、小炒、糖醋、椒鹽類。
首先試咗款咖哩農夫包，比較少食店有農夫包呢樣食物，所以喺度有呢道菜都幾有特色，裡面嘅肉可以揀豬肉、牛肉或者雞肉，覺得咖哩同雞肉應該會比較match，所以就揀咗雞肉。首先講講啲咖喱雞肉，咖喱嘅味好濃郁，同埋唔會好辣，好適合想試咖哩但係又驚辣嘅朋友仔雞肉都好嫩滑。然後就係農夫包，農夫包香脆可口，連埋咖喱雞肉食係一個好新穎嘅組合。
咖哩農夫包
$99
30 views
0 likes
0 comments
椒鹽鮮魷係好多大排檔或者茶餐廳都有嘅菜式，不過學人哋話齋，睇落越簡單嘅菜式越難做得好，而且我本身都鍾意食椒鹽鮮魷，所以就決定試吓。椒鹽鮮魷一黎到，已經覺得外型係同出面嗰啲唔一樣，睇落去「靚仔」啲，食落去更系與眾不同。首先外皮嘅炸粉唔會太多，有時食炸嘢真係好驚啲炸粉太多而影響整體嘅感覺🤔好彩呢度唔會，裏面嘅魷魚都好爽口，口感新鮮。
椒鹽鮮魷
$98
16 views
0 likes
0 comments
然後呢款系醬爆雀巢，因為餐牌上希寫明乜野系醬爆雀巢，問完店員後，佢話類似以前啲人食開一個雀巢裝住一堆宮保雞丁嘅食物，我吾系戈個年代嘅人，就吾系好知佢講嘅系邊道菜式😂不過試試都無妨。見到戈個雀巢一樣嘅食物，覺得好有玩味，食落原來系帶有鹹味既脆芋絲，脆脆地又幾好味。
醬爆雀巢
$88
14 views
0 likes
0 comments
最後試咗雪山紅豆冰，比起一般嘅紅豆冰多咗雲呢拿味嘅雪糕，都算特別嘅。雲呢拿味雪糕甜甜哋，紅豆冰嘅奶味濃郁，啱曬我呢啲牛奶控底部嘅紅豆份量非常多，大大粒而且好甜。
雪山紅豆冰
$30
11 views
0 likes
0 comments
Post
