Video
Read full review
2020-06-09
54 views
趁未洗返學，星期日去旺角作最後衝刺，行街買嘢食飯都做齊，食晚餐就是頭痛之處，正在煩惱要吃甚麼時，比我睇到一間眼熟的食店~新記粥店映入眼簾，元朗的出名粥店，之前成日話食都錯過，今次就揀呢度解決煩惱！內𥚃光猛，裝修整潔簡約，唯鋪頭較細，所以要親密D~望餐牌時有㸃出其，因為除粥品類的常規食物外，仲有炒粉麵飯丶客飯焗飯丶精美小炒丶小食炸物丶招牌燒味同涼伴前菜⋯其範疇實是廣大同小朋友食嘢，必定有炸嘢～香脆炸大腸丶酥炸魷魚鬚是一定不小得，再來個海蜇手撕雞做前菜。先嚟海蜇手撕雞，涼伴來的～手撕雞帶小小酸同辣，而海蜇不但爽口彈牙，仲仔大條。炸大腸不久便炸好出場，有甜酸醬沾㸃，炸大腸炸得好脆口，有肥有瘦，仲好乾淨，沒有一陣味，係必食推薦。去粥舖，梗要食粥，揀咗個鮮蟹粥，有大半隻蟹落鍋粥度，仲有膏添，肉質鮮美，個粥又綿又滑~既然有小炒，要試下有無鑊氣先得，叫咗個菠蘿咕嚕肉同XO醬海鮮炒飯，先嚟炒飯，色澤漂亮，炒得一粒粒，帶子勁多，又夠惹味，阿仔食完豎起手指公。而菠蘿咕嚕肉就酸酸甜甜，咬落外脆內軟，每塊都沾滿甜酸汁仲啖啖肉添，下飯一流期待已久嘅炸魷魚鬚最尾登場，炸起熱辣辣脆卜卜，條條粗身，外脆內軟，如果落埋
內𥚃光猛，裝修整潔簡約，唯鋪頭較細，所以要親密D~望餐牌時有㸃出其，因為除粥品類的常規食物外，仲有炒粉麵飯丶客飯焗飯丶精美小炒丶小食炸物丶招牌燒味同涼伴前菜⋯其範疇實是廣大
同小朋友食嘢，必定有炸嘢～香脆炸大腸丶酥炸魷魚鬚是一定不小得，再來個海蜇手撕雞做前菜。先嚟海蜇手撕雞，涼伴來的～手撕雞帶小小酸同辣，而海蜇不但爽口彈牙，仲仔大條。炸大腸不久便炸好出場，有甜酸醬沾㸃，炸大腸炸得好脆口，有肥有瘦，仲好乾淨，沒有一陣味，係必食推薦。
去粥舖，梗要食粥，揀咗個鮮蟹粥，有大半隻蟹落鍋粥度，仲有膏添，肉質鮮美，個粥又綿又滑~
既然有小炒，要試下有無鑊氣先得，叫咗個菠蘿咕嚕肉同XO醬海鮮炒飯，先嚟炒飯，色澤漂亮，炒得一粒粒，帶子勁多，又夠惹味，阿仔食完豎起手指公。而菠蘿咕嚕肉就酸酸甜甜，咬落外脆內軟，每塊都沾滿甜酸汁仲啖啖肉添，下飯一流
期待已久嘅炸魷魚鬚最尾登場，炸起熱辣辣脆卜卜，條條粗身，外脆內軟，如果落埋椒鹽就係Perfect之作。三位大帝甚是滿意呢次的晚餐選擇，而且呢度好多嘢食種類揀擇，色香味也高質，可以一次過於一店解決饞鬼的好去處。
Post
