Video
Read full review
2022-04-11
347 views
難得今日放假，立即約屯門朋友食個下午茶，聚一聚，吹下水，我哋都係點心控，但又唔想去啲傳統茶樓，一來茶位貴，二來多人等位，所以就上嚟哩度搵吓有咩好介紹，咁啱就俾我哋搵到哩間新(?)餐廳，見佢好似好抵食（茶位都只係每位$3），一於試吓！我同朋友雖然都係屯門友，但都比較少嚟新墟哩邊行，餐廳位置有啲隔涉，不過有手機📱地圖都搵到。餐廳係新式點心店，牌面用咗好潮嘅Tiffany blue 。裡面嘅格局同裝修都好有玩味，粉系顏色好有活力好年輕，特別鍾意佢嘅霓虹燈特色牆。如果佢啲餐具茶壺都用埋粉色系列嘅話呢，咁就仲好玩。好喇，講返點心先。我哋一共叫咗5個點心。（嘩！唔寫食評都唔發覺，佢哋啲點心其實真係好抵食）1️⃣ 棉花雞 $29我好鍾意食棉花雞，因為啲雞肉通常都好大舊好滑，仲有魚肚加埋上湯汁真係一流嘅享受。而哩度嘅棉花雞亦做到哩一點，雞大大件，又白又滑。魚肚同上湯都好香，一咬落去啲汁慢慢滲出嚟，非常鮮味可口2️⃣ 香滑反斗糕 $20其實叫嘅時候我哋都唔知係咩嚟，淨係貪佢個名夠特別。嚟到嘅時候我哋就恍然大悟，雖然賣相無乜驚喜，亦唔明白點解要叫反斗糕（唔通係因為佢嘅形狀特別？），不過味道就唔錯。味道係奶皇味，
餐廳係新式點心店，牌面用咗好潮嘅Tiffany blue 。裡面嘅格局同裝修都好有玩味，粉系顏色好有活力好年輕，特別鍾意佢嘅霓虹燈特色牆。如果佢啲餐具茶壺都用埋粉色系列嘅話呢，咁就仲好玩。
好喇，講返點心先。我哋一共叫咗5個點心。（嘩！唔寫食評都唔發覺，佢哋啲點心其實真係好抵食）
1️⃣ 棉花雞 $29
我好鍾意食棉花雞，因為啲雞肉通常都好大舊好滑，仲有魚肚加埋上湯汁真係一流嘅享受。而哩度嘅棉花雞亦做到哩一點，雞大大件，又白又滑。魚肚同上湯都好香，一咬落去啲汁慢慢滲出嚟，非常鮮味可口
棉花雞
$29
4 views
0 likes
0 comments
2️⃣ 香滑反斗糕 $20
其實叫嘅時候我哋都唔知係咩嚟，淨係貪佢個名夠特別。嚟到嘅時候我哋就恍然大悟，雖然賣相無乜驚喜，亦唔明白點解要叫反斗糕（唔通係因為佢嘅形狀特別？），不過味道就唔錯。味道係奶皇味，口感就似馬拉糕，所以我同朋友都叫佢做奶皇馬拉糕。糕的確係滑嘅，甜度剛剛好，攞嚟做飯後甜品一流
香滑反斗糕
$20
11 views
0 likes
0 comments
3️⃣ 黃沙潤腸 $27
我覺得係今日最嘅點心，必叫！腸粉真係好滑好薄身，簡直就係晶瑩通透。豬潤腸真係比較難搵到，見到餐牌有嘅嗰一劇真係好驚喜，即叫！豬潤份量都好足夠，食落仲好新鮮好香口，真係好食又補血
黃沙潤腸
$27
4 views
0 likes
0 comments
4️⃣ 皮蛋瘦肉粥 $21
粥煮得好香好棉，皮蛋同瘦肉份量都可以，21蚊真係唔敢有怨言。不過⋯⋯😅🤭 如果粥底如果可以「稠」少少🤏🏽就更加好
皮蛋瘦肉粥
$21
7 views
0 likes
0 comments
5️⃣ 家鄉咸水角 $20
我朋友最欣賞嘅點心。咸水角外脆內煙靭，口感一流，甜甜地真係好正，如果裡面可以多返少少餡料會更完美。下次嚟必定會encore！
家鄉咸水角
$20
3 views
0 likes
0 comments
另外亦要讚一讚服務，職員好有禮貌同好客，必定會再嚟支持！
Post
