籠太子點心專門店

Open Now

Now Closed

入門口無人招呼唔緊要，坐低後個女伙記串到咩咁，一埋嚟就比說話我聽，話我地唔係茶餐廳，你下次嚟唔該等我地執好檯先好坐位，未食已經比人噴到一面屁，仲講下次？唔會之餘我會同佢好好宣傳

茶錢就勁平嘅，每位都係三蚊。 可以選擇鐵觀音，普洱或玄米茶。 上點心速度勁快。蘿蔔糕 有一件完全冇蘿蔔絲。 皮蛋牛肉腸完全食唔到有皮蛋。 蝦餃每粒嘅體積同公仔點心一樣。 天花分體式冷氣機滴水。 枱與枱之間空間太窄。平均每人消費大約70元。

呢間茶居係新墟街市側，確實位置係天橋底下附近，呢排做緊特價，茶位每人3蚊，孖寶38蚊，仲免收加一，算係幾抵食。茶葉有三種選擇1️⃣鐵觀音2️⃣普洱3️⃣玄米茶。孖寶餐是限於點心紙的A,B類項目選擇。今次同朋友叫咗1️⃣鳳爪排骨飯、2️⃣蒜香春卷、3️⃣煎蝦膠釀茄子同埋4️⃣雞扎。以兩人計，份量算係啱啱好。味道方面，算係中規中矩。另外，茶就揀咗鐵觀音，是普通的茶。整體來講，茶居推出既優惠令性價比提升不少。服務都OK，一坐低就有人嚟執枱。

新年前後一直都沒有機會歎個茶食個點心啦～難得個friend 都中意一盅兩件，就來個夜茶啦！呢間點心唔錯. 我覺得比好多酒樓更好. 蝦餃好出色. 籠仔飯夠鮮味. 千絲卷一定要食!!!點心茶芥$3位冇加一10點準時開門☺️

唔明點解啲侍應可以咁串咁無禮貌，首先我哋等左成個中，都未黎齊嘢，係講緊第一round ，都算，因為實在比平常嘅份量少，好啦我哋都無講啲咩，但係我哋加單嘅時候，聽到個佢講話加單都生漬，催佢又俾佢話要快食快餐。趕客到癲，蝦餃蒸到爛埋，棉花雞份量少到，一開四🫠🫠🫠你叫翻工嘅人點部署😛😛😛太差嘅經驗，希望人人都5使體驗到呢啲服務。🥵🥵🥵🥵🥵🥵🥵🥵🥵🥵🥵🥵🥵🥵🥵🥵🥵

啲叉燒包係用微波爐叮嘅嗰啲仲係熱淋支支牛柏葉蒸過籠棉花雞冬菇宿嘅差真係差環境又熱 好似只係開咗風咁幾個人一路食一路嗌熱以後不會幫襯！！！！！唯一好處就係冇加一…..

金錢肚：正正常常，都入味，不過有啲啲韌。叉燒腸：腸粉上枱已切好，腸粉算滑，粉皮厚度正常，芫茜分佈不勻，得一兩舊有。南瓜煎堆仔：有4粒喎，南瓜本身夠甜，係即叫即炸，外皮鬆脆，就算等左陣先食都唔會凹左。荷葉乳鴿飯：其實冇乜荷葉味，乳鴿睇落得半隻，肉切得太細，蒸完啲肉又細粒又韌，好失望，飯本身有味，加埋豉油冇肉都食到嘅。香滑反斗糕：睇名真係唔知係乜，但見有個推介👍，問左店員佢話當馬拉糕，咁我鐘意食馬拉糕就即管叫啦。結果好伏😭，四舊雞蛋糕仔，外型又唔靚，食落又實淨，仲要冇餡，請問邊度香滑？如果似馬拉糕質感我都可以接受，但冇囉。鵪鶉蛋燒賣：底下肉質味道不錯，但唔知點解鵪鶉蛋面頭有個膠膠地嘅透明外殼，好似係鵪鶉蛋白形成，真係太實淨，唔想吞落肚。去得點心專門店都係鐘意佢啲點心即叫即蒸，其實嚟錯，不過今日有幾款中伏，食大路野應該好啲。

買3個外賣：蝦腸、小籠包、鮑魚燒賣蝦腸唔好味，啲皮好厚…好似街市個啲咁….啲蝦有蝦臭味同雪藏味….食唔入口千祈唔好叫小籠包就有啲有湯 有啲冇……鮑魚燒賣就鮑魚還鮑魚… 燒賣還燒賣…個鮑魚係跌落嚟嘅…. 我覺得唔值得再買……

原隻鮑魚燒賣 $32(兩隻)籠太子蝦餃皇 $16(兩隻)鮮蝦燒賣皇 $16(兩隻)魚肚水餃 $23蜜味叉燒腸 $26鳳爪排骨飯 $32好耐冇飲茶啦，今日同女朋友黎左呢間籠太子飲個早茶😋🫖九點幾黎到，餐廳都幾full，但好彩咁啱有客食完，所以唔洗等位🤣餐廳睇黎裝修左冇耐，門面都幾新淨🤩但裏面既整潔程度就差小小🥲張凳有啲污跡🤧🤧等上菜都唔算耐，落左單之後大概15分鐘，啲點心就一次過黎晒～食物質素唔算好高水準，但比一啲連鎖既茶樓有明顯分別，都滿足左我地想食點心既癮😝而且呢個價錢比一般茶樓都平，所以性價比算高～

招呼老婆個胃，唔係咁易，下午6點鐘要食點心😑唯有搵open rice ，點知真係搵到檔有點心食嘅食肆，籠太子點心專門店(屯門)😎喺門口睇下張Update 點心紙，平喎，入去啦，不過講真，老婆要食，貴都入去㗎啦😌環境：地方都幾大，好多張枱，有半卡位，我同老婆就揀左張半卡位坐。地方好整潔👍服務：後生仔女做樓面，動作快，有禮貌，都唔錯😌食物：蝦餃，蝦肉夠爽，皮唔會厚，成隻夾起唔會穿底👍燒賣，夠味，蝦肉都係爽😎不是炸兩，推介，腸粉包住油條，油條內有啲蝦肉，好好味😍叉燒腸，正常，都幾好海皇芝士千絲卷，呢個又係好好味，外面少少脆，但唔油，裏面有蝦肉，又係推介😍雞扎，材料新鮮，雞肉醃得好，推介😍薄橕，正常由於整體味道好，所以再叫左個鳳爪排骨飯，都幾好。價錢：食咗咁多嘢，都係205蚊，夜晚都用咁嘅價錢，食到呢個質素嘅點心，性價比高。總結：平價點心嚟講幾出色，仲要有夜市，可以再來😎👍

囡囡今晚想食點心，所以就去我們食點心必到的籠太子。第一道：蝦餃，非常包滿，有光澤，內裏充滿肉汁，有濃郁的鮮蝦味。第二道：燒賣，蝦肉入口彈牙、鮮味，加上豬肉香。第三道：「不是炸兩」，腸粉皮煙韌，油條內夾著一些蝦仁和肉碎，很特別，而且油條能保持脆口，外煙韌內脆。第四道：石斑荷葉籠仔飯，飯粒分明，有口感，用蒜先炒過，調味適中，石斑魚的魚肉非常滑溜。第五道：藥膳雞腳，當歸湯足料，雞腳吸哂湯味，食完感到好補。

深受街坊歡迎，親民價嘆星級點心每籠點心即叫即，平均都係廿幾蚊，好抵食，而且選擇都幾多，傳統嘅如鵪鶉蛋燒賣、蝦餃皇等都有🤩原隻鮑魚燒賣鮑魚彈牙鮮味，燒賣粒粒飽滿，肥瘦均勻，口感Q彈，香而不膩藥膳雞腳湯底嘅藥材味濃郁，夠哂暖胃，雞腳煮得晶凝美味唔甩皮🥰多汁蟹籽小籠包加咗蟹籽，鮮味倍增，每個小籠包入面都盛住滿滿嘅湯汁，一咬爆發😋金蒜蒸排骨蜜味叉燒腸排骨嫩滑，下面仲有爽彈嘅烏冬；腸粉軟滑餡料豐盛😍

籠太子點心專門店 (屯門)屯門新青街11號萬寶樓地下2號舖屯門站F2岀口 向新墟街市方向行放工想食點心，Encore嚟到籠太子點心🧆的確呢度係一個好好嘅傾偈地方，平靚正。茶位 普洱 好濃嘅普洱 🍵食點心又唔想濟，一定要飲，咁先有飲杯茶食個包嘅感覺。籠太子蝦餃皇兩隻皮薄餡靚，彈牙爽脆，透粉紅色又真係好吸引，值得encore😂😂😂鮮蝦燒賣皇兩隻超大粒，蝦肉好新鮮👍🏻👍🏻👍🏻少吃多滋味，蟹子卜卜脆多汁蟹子小籠包肉汁好鮮甜，真係好好味，四大粒夠飽，上面嘅蟹子仲係脆卜卜，一啖一粒真係好易入口。蒜香蝦春卷外皮趣卜卜，炸得剛剛好唔會有燶味，入邊啲蝦顏色好新鮮，外脆內彈牙。香煎蘿蔔糕煎得香脆，焦焦地嘅表面，蘿蔔糕有彈性。叉燒腸好多件，好足料，勁多燒燒，皮薄，甜鼓油好味。呢度嘅辣椒醬係XO辣椒醬，好認真，惹味足料，瑤柱絲滿佈，辣得好味😋真係要試吓。

入到屯門見到籠太子點心店唔多客人，好快有位座，呢度想幾時飲茶都得，店鋪裝修同環境幾靚，坐得舒服，茶有3種選擇有普洱，鐵觀音同玄米茶，本人就揀左玄米茶飲，飲落茶味幾好，同埋叫左以下點心:籠太子蝦餃王（4件）$31皮尚算煙韌，蝦肉餡料充足，而且蝦味濃又多汁，相當出色多汁蟹籽小籠包 $25小籠包賣相靚，咬落湯汁相當豐富，肉味又好，必食魚肚水餃 $23魚肚唔腥味幾好，水餃皮薄餡料有蝦，豬肉同木耳絲，口感幾好，個湯又清甜，唔錯海皇芝士千絲卷 $27外表造型精美，但炸得過油，餡料有芝士，冬菇同蝦肉，幾樣野配埋幾新奇香滑反斗糕 $20外表好精緻有創意，奶皇味幾重，又唔會過甜，好啱打卡仲有呢度茶芥只係$3,食左5個點心共$129,乜野時段想飲茶都得，下次再黎都會試吓其他點心

最近諗起飲茶食點心🧆🍡🥠，就嚟咗呢間籠太子點心專門店。其實地點相當方便就腳，D出口經過V city，天橋行出去， 穿過街市，2分鐘就到。環境潔淨，光猛企理，仲有唔少打卡位，而且店員相當有禮貌！！！所以我覺得係相當舒適的飲茶好地方！📌茶介$3一位，竟然仲可以揀玄米茶，清新好飲😍😍🍵🍵📌原隻鮑魚燒賣$32 兩隻，燒賣肥瘦平均，喜歡燒賣是由蝦和豬肉混合，香口同時帶點爽脆，而雙方的鮑魚就是為這個燒賣畫龍點睛，相當精彩😋😋😋😋！📌籠太子蝦餃王$16兩隻，招牌蝦餃，相當高質素，蝦餃皮不會太厚重，煙靭可口，最喜歡內裏的鮮蝦，超爆滿，最少有三至四隻🦐🦐🦐🦐！📌金蒜蒸排骨$24，相當足料，啖啖肉，蒜頭香味相當濃郁，而且不會太鹹。另外，下方有少許烏冬墊底，原本打算墊底就唔食，點知食落都唔錯，好香排骨味。😍😍😍📌雪山叉燒包$25，相當高質的叉燒包，熱辣辣，上方雪山酥脆可口，入面好足料，好多叉燒🥰！📌蜜美叉燒腸$20，相當高質，腸粉相當嫩滑，帶一點點煙靭，口感一流❤️❤️🌈！葉入面的餡料也相當足料，好多好多叉燒，絕不會揸流攤！讚👍🏻！