Video
Read full review
2019-05-07
725 views
小鬼終於考完試，又可以外出覓食了。年青人大多愛吃自助餐，本來提議去酒店食 buffet，不過這個鬼靈精主意多多，一時又話想食鐵板燒、一時又話想食炸雞，左挑右選，最後竟然揀咗去「砂煲兄弟」食煲仔菜，實在令人意外。原來據說餐廳除了主打煲仔飯外，還有不少新派 fusion 煲仔菜供應，難怪吸引愛嚐新的年輕人。餐廳位於將軍澳東港城1樓101號舖，門面非常搶眼，用上一對搭肩的砂煲兄弟做招牌，略帶卡通色彩、卻又維肖維妙，與店名互相呼應。至於室內裝潢亦別具心思，融入了舊香港的飲食情懷和文化，以七、八十年代的大牌檔為藍本，如參照舊時大牌檔而設計的茶水間，以及懷舊的仿製食品擺設等，配合牆壁上的兩幅巨型黑白手繪畫，充滿懷舊氣氛。翻開餐牌細看，食物選項非常之多，包括有：撚手推介、地道小食、有煲氣小菜、有焦氣煲仔飯、異國風情煲仔飯、煲仔粉麵餐、砂煲兄弟精選、甜蜜蜜、透心涼特飲等。既然今次有小鬼在場，選菜方面就一於交由他負責。先來兩客小菜，呢款係馬來沙嗲火焰牛仔骨 ($88)，牛仔骨特別選用了美國入口的「三支骨」製作，肉質非常鬆軟，既嫩滑又有牛味，而且最特別就係上檯時以玫瑰露燃點火焰，唔單止吸睛，同時有助收汁，
餐廳位於將軍澳東港城1樓101號舖，門面非常搶眼，用上一對搭肩的砂煲兄弟做招牌，略帶卡通色彩、卻又維肖維妙，與店名互相呼應。至於室內裝潢亦別具心思，融入了舊香港的飲食情懷和文化，以七、八十年代的大牌檔為藍本，如參照舊時大牌檔而設計的茶水間，以及懷舊的仿製食品擺設等，配合牆壁上的兩幅巨型黑白手繪畫，充滿懷舊氣氛。
翻開餐牌細看，食物選項非常之多，包括有：撚手推介、地道小食、有煲氣小菜、有焦氣煲仔飯、異國風情煲仔飯、煲仔粉麵餐、砂煲兄弟精選、甜蜜蜜、透心涼特飲等。既然今次有小鬼在場，選菜方面就一於交由他負責。
先來兩客小菜，呢款係馬來沙嗲火焰牛仔骨 ($88)，牛仔骨特別選用了美國入口的「三支骨」製作，肉質非常鬆軟，既嫩滑又有牛味，而且最特別就係上檯時以玫瑰露燃點火焰，唔單止吸睛，同時有助收汁，將味道進一步濃縮，所以吃起來份外惹味。
至於另一款黃金蝦 ($148) 亦做得非常出色，大大隻的海中蝦身上鋪著一層薄薄、看似金黃色炸漿的鹹蛋黃，輕輕咬開外殼，蝦肉非常鮮甜，結實彈牙又多汁，加上蝦肉吸收了鹹蛋黃的香氣，入口鹹香味十足，令人回味無窮。
壓尾選了一客店員力推的抹茶櫻花蝦鰻魚煲仔飯 ($78)，成品果然有創意，用上京都抹茶粉做成飯底，面頭再鋪上日本鰻魚及台灣櫻花蝦。飯粒充斥著淡淡嘅抺茶味，非常清香；鰻魚大大塊、厚身又肥美；而櫻花蝦亦酥香脆口，加上焦脆的飯焦，充滿東瀛風味。雖然今次只係點咗兩款小菜同一款煲仔飯，但幾款食物，味道都算唔錯。其實店舖還有不少地道小食和特式煲仔菜供應，下次有機會會再嚟試下。
Post
