Video
Read full review
2024-10-16
262 views
大暑天熱到冇乜胃口，出街食飯都想有新鮮感！呢間新派泰菜環境超吸睛 👀✨環境裝修舒適又新淨，座位闊落。雲石桌面，主綠色調，頗有渡假攸閒感覺 🌴 就連餐牌上嘅菜式、飲品同甜品賣相都好搶眼，睇見都覺得有食慾。食物款式多，有串燒、沙律、咖哩、各式肉食配粉麵飯，比較特別嘅主食有泰式蟹肉蛋捲。甜品同飲品嘅選擇非常多，芒果乳酪疊疊冰🍨、邪惡榴槤smoothie🍹、Baileys-朱古力沙冰。仲各有特色，全部都好打卡able✨泰式蝦球炒金邊粉🌶 $88蝦球配酸甜金邊粉係不敗口味，配料豐富，有幼蘆筍、豆乾絲、辣椒碎、芽菜、蔥條，青檸，鍾意食辣嘅可以自己配搭。蝦乾帶點油鹹香，好惹味。椰香青咖喱雜菜配薄餅🌶 $82青咖哩調味夠辣，有香滑椰奶平衡返辣度，味道討好。加$10白飯轉薄餅絕對值得，薄餅油香加埋脆蝦片，好快就清光成碟咖哩汁😋泰式豬肉丸串(2串) $52呢個小食份量都多，啖啖肉，鮮嫩有油香，沾上特調微辣醬汁真係好正。泰奶Tiramisu $34呢度嘅甜品又多又特別，揀左好耐試呢款Tiramisu。賣相好靚，層次分明，仲食到香濃泰奶味道。開心果鮮奶咖啡(凍) $46呢杯開心果➕Latte都係第一次試，開心
食物款式多，有串燒、沙律、咖哩、各式肉食配粉麵飯，比較特別嘅主食有泰式蟹肉蛋捲。甜品同飲品嘅選擇非常多，芒果乳酪疊疊冰🍨、邪惡榴槤smoothie🍹、Baileys-朱古力沙冰。仲各有特色，全部都好打卡able✨
泰式蝦球炒金邊粉🌶 $88
蝦球配酸甜金邊粉係不敗口味，配料豐富，有幼蘆筍、豆乾絲、辣椒碎、芽菜、蔥條，青檸，鍾意食辣嘅可以自己配搭。蝦乾帶點油鹹香，好惹味。
椰香青咖喱雜菜配薄餅🌶 $82
青咖哩調味夠辣，有香滑椰奶平衡返辣度，味道討好。加$10白飯轉薄餅絕對值得，薄餅油香加埋脆蝦片，好快就清光成碟咖哩汁😋
泰式豬肉丸串(2串) $52
呢個小食份量都多，啖啖肉，鮮嫩有油香，沾上特調微辣醬汁真係好正。
泰奶Tiramisu $34
呢度嘅甜品又多又特別，揀左好耐試呢款Tiramisu。賣相好靚，層次分明，仲食到香濃泰奶味道。
開心果鮮奶咖啡(凍) $46
呢杯開心果➕Latte都係第一次試，開心果同鮮奶漸層好靚，咖啡另上，可以自己倒入所需份量。味道出奇地夾，唔會搶左各自嘅味道👍🏻
Post
